కుంభమేళాకు యోగమాత కోకి ఐకావా

ప్రయాగ్‌రాజ్‌లో మహా కుంభమేళాకు సన్నాహాలు ముమ్మరంగా జరుగుతున్నాయి. మేళాకు కోట్లాది మంది ప్రజలు వస్తారని అంచనా. సాధువులు, భక్తులు ఇప్ప‌టికే త‌ర‌లివ‌స్తున్నారు. జపాన్ నుండి మహా కుంభ్‌కు యోగమాత కైకో ఐకావా వ‌చ్చారు. యోగమాత కైకో ఐకావా మొదటి మహిళా సిద్ధ గురువు. శాంతి, ఆధ్యాత్మికతకు ఆలంబ‌న‌గా నిలిచారు. ఆమె పైలట్ బాబా వారసత్వాన్ని ముందుకు తీసుకెళ్లడానికి కృషి చేస్తున్నారు

ఆగస్టు 2024లో, మహాయోగి పైలట్ బాబా మహాసమాధి చెందారు. దీని తరువాత, యోగమాత కైకో ఐకావానా అత‌ని ఆధ్యాత్మిక లక్ష్య బాధ్యతను స్వీకరించి దానిని ముందుకు తీసుకెళ్లడానికి కృషి చేస్తున్నారు. తన యోగ చైతన్యం కారణంగా ఆయన ప్రపంచవ్యాప్తంగా ప‌ర్య‌ట‌న‌లు సాగించారు. ఆమె సాధించిన విజయాల గురించి మాట్లాడుకుంటే, ఆమె 96 గంటల పాటు భూగర్భ గదిలో సమాధి స్థితికి వెళ్లారు. 2007లో జునా అఖారా మహామండలేశ్వర్‌గా ఆమె మారారు. ప్రపంచవ్యాప్తంగా ఖ్యాతి గడించిన ఆధ్యాత్మిక నేత‌గా ఆమె గుర్తింపు పొందారు.

యోగమాత కోకి ఐకావా మరియు ప్రధాని నరేంద్ర మోదీని గ‌తంలో క‌లుసుకున్నారు. 2023లో ఐక్యరాజ్యసమితిలో జరిగిన అంతర్జాతీయ యోగా దినోత్సవ వేడుకల సందర్భంగా ప్రధానమంత్రి నరేంద్ర మోదీ ఆమె ఆశీస్సులు పొందారు. 2016లోనూ ఆమె ప్రధాని నరేంద్ర మోదీని క‌లుసుకున్నారు. ఈ సందర్భంగా, భారతదేశం మరియు జపాన్ మధ్య సామరస్య సంబంధాల కోసం ఆమె ప్రార్థించారు. 2025 మహా కుంభమేళాలో యోగమాత ఉనికి ఆధ్యాత్మిక మార్గదర్శకత్వానికి ప్ర‌తిబింబంగా నిలిచింది. ఆమె మహా కుంభ్‌లో ధ్యాన సమావేశాలను నిర్వహించ‌నున్నారు.