భారత క్రికెట్ స్టార్ విరాట్ కోహ్లీ మరోసారి తన స్పష్టమైన లక్ష్య దృష్టితో అందరి దృష్టిని ఆకర్షించాడు. ప్రముఖ స్పోర్ట్స్‌వేర్ కంపెనీ ప్యూమా నుండి వచ్చిన రూ.300 కోట్ల భారీ డీల్‌ను ఆయన తిరస్కరించడం చర్చనీయాంశమైంది. ఎనిమిదేళ్లుగా ప్యూమాతో కొనసాగిన భాగస్వామ్యానికి కోహ్లీ ముగింపు పలికి, తన స్వంత బ్రాండ్ “వన్8” అభివృద్ధిపై దృష్టిసారించాడు. 2017లో రూ.110 కోట్ల డీల్‌తో ప్యూమా బ్రాండ్ అంబాసిడర్‌గా మారిన కోహ్లీ, ఇప్పుడు దాదాపు మూడు రెట్లు ఎక్కువ విలువ కలిగిన ఆఫర్‌ను తిరస్కరించడం వ్యాపార దృక్కోణంలో ప్రత్యేకంగా నిలిచింది.
ఇప్పుడు కోహ్లీ, ప్యూమా ఇండియా మాజీ డైరెక్టర్ అభిషేక్ గంగూలీ సహ-స్థాపించిన “అజిలిటాస్” అనే బ్రాండ్‌తో కలిసి వన్8ను అంతర్జాతీయ మార్కెట్‌లో విస్తరించేందుకు ప్లాన్ చేస్తున్నాడు. లైఫ్‌స్టైల్, అథ్లెటిక్ కేటగిరీల్లో తన బ్రాండ్‌ను మరింత శక్తివంతంగా తీర్చిదిద్దేందుకు ప్రయత్నిస్తున్నాడు. ప్యూమా కూడా ఈ నిర్ణయాన్ని గౌరవిస్తూ, “విరాట్ భవిష్యత్తు ప్రయత్నాలకు శుభాకాంక్షలు” అని పేర్కొంది.
క్రీడా రంగంలోనూ కోహ్లీ తన ప్రభావాన్ని కొనసాగిస్తున్నాడు. ఐపీఎల్ 2025లో రాయల్ ఛాలెంజర్స్ బెంగళూరు తరఫున ఆడుతున్న కోహ్లీ, హాఫ్ సెంచరీలు, కీలక ఇన్నింగ్స్‌లతో తన ఫామ్‌ను కొనసాగిస్తున్నాడు. ముంబైపై 67 పరుగులు చేసి, టీమ్‌కు విజయాన్ని అందించాడు.
ఈ ఫార్మాట్‌తో పాటు వ్యాపార రంగంలోనూ కోహ్లీ ఎదుగుతున్న తీరు, యువ ఆటగాళ్లకు ప్రేరణగా నిలుస్తోంది.
By
