వేణు స్వామి, సెలబ్రెటీలు మరియు రాజకీయ నాయకుల జాతకాలు చెప్పడంలో ప్రసిద్ధి పొందిన వ్యక్తి, ఇటీవల తన వ్యాఖ్యలపై బహిరంగ క్షమాపణలు చెప్పాడు. సినిమాల సెలబ్రెటీలు ఎప్పుడు పెళ్లి చేసుకుంటారు, ఎప్పుడు విడిపోతారనే అంశాలను స్పృశించి తన అభిప్రాయాలను ప్రకటించడం ద్వారా ఆయన సోషల్ మీడియాలో తీవ్రంగా ట్రోల్ అయ్యాడు.
గతంలో, నాగచైతన్య, సమంతల విడాకుల అంశాన్ని జోస్యం చెప్పి, అది నిజమవడంతో ఊదరగొట్టిన వేణు స్వామి, ఆ తర్వాత శోభిత-నాగచైతన్య పెళ్లిపై అనవసర వ్యాఖ్యలు చేసి అక్కినేని అభిమానుల నుంచి విమర్శల పాలయ్యాడు. ఈ వ్యాఖ్యలపై తెలంగాణ మహిళా కమిషన్ ఆయనకు నోటీసులు జారీ చేయగా, హైకోర్టుకు వెళ్లినప్పటికీ అక్కడ కూడా ఆయనకు న్యాయం కలగలేదు.
హైకోర్టు ఆదేశాల ప్రకారం, వేణు స్వామి మహిళా కమిషన్ ముందు హాజరై, బహిరంగ క్షమాపణలు చెప్పారు. ఇకపై ఇలాంటి అర్థంపర్థం లేని వ్యాఖ్యలు చేయనని హామీ ఇచ్చారు. మహిళా కమిషన్ స్పష్టం చేసింది, ఈ తరహా చర్యలను భవిష్యత్‌లో మానుకోవాలని, లేనిపక్షంలో తీవ్ర చర్యలు తీసుకుంటామని హెచ్చరించింది.
By
