తెలంగాణలో నిరుద్యోగ యువతకు శుభవార్తలు వస్తున్నాయి. గతేడాది నుంచి నిలిపివేసిన ఉద్యోగ నియామక ప్రక్రియలు మళ్లీ ప్రారంభం కానున్నాయి. ఎస్సీ ఉపవర్గీకరణ చట్టంపై క్లారిటీ రావడంతో రాష్ట్ర ప్రభుత్వం జాబ్ క్యాలెండర్ను తిరిగి రూపొందించి నియామకాలను వేగవంతం చేయనున్నది.
గతంలో నిలిచిన నియామకాలు
2024-25లోనే భారీ సంఖ్యలో ఉద్యోగాల భర్తీకి తెలంగాణ ప్రభుత్వం ప్రణాళిక రూపొందించింది. మొత్తం 20 నోటిఫికేషన్లతో వివిధ శాఖల్లో నియామకాలు చేపట్టాలని లక్ష్యంగా పెట్టుకుంది. అయితే, షెడ్యూల్డ్ కులాల ఉపవర్గీకరణ అంశంపై సుప్రీంకోర్టు తీర్పు నేపథ్యంలో కొత్త నోటిఫికేషన్లను నిలిపివేయాల్సి వచ్చింది. దీంతో సెప్టెంబర్ 2024 నుంచి నియామకాలు పూర్తిగా ఆగిపోయాయి.
ఇప్పుడు స్పష్టత – వేగంగా నియామకాలు
ప్రస్తుతం ఉపవర్గీకరణ చట్టంపై స్పష్టత వచ్చిన నేపథ్యంలో, ప్రభుత్వం కొత్త రోస్టర్ను రూపొందించి ఉద్యోగ నియామకాలను తిరిగి ప్రారంభించనుంది. గతేడాది అనేక ఉద్యోగులు రిటైర్ కావడంతో ఖాళీలు మరింత పెరిగాయి. వీటిని దృష్టిలో ఉంచుకొని అప్డేటెడ్ జాబ్ క్యాలెండర్ రూపొందించనున్నారు.
ఈ నెలాఖరులో కీలక నోటిఫికేషన్లు
మొదటి విడతగా:
- మహిళా, శిశు సంక్షేమ శాఖలో 14,236 అంగన్వాడీ ఉద్యోగాలు
- ఆరోగ్య శాఖలో 4,000 పైగా పోస్టులు
- ఆర్టీసీలో 3,000కు పైగా ఖాళీలకు ఇప్పటికే అనుమతి లభించింది
ఈ మూడు విభాగాల్లో నియామకాలను ప్రాధాన్యతగా తీసుకుని ముందుగా పూర్తి చేయాలని ప్రభుత్వం భావిస్తోంది.
గ్రూప్స్, పోలీస్, గురుకుల ఉద్యోగాలు తర్వాత
- ఏప్రిల్లో పోలీస్ శాఖ నియామక ప్రక్రియ
- మేలో గ్రూప్-2 నోటిఫికేషన్
- జూలైలో గ్రూప్-3
- వాయిదా పడిన ఫారెస్ట్ బీట్ ఆఫీసర్ నోటిఫికేషన్ కూడా పునఃషెడ్యూల్ కానుంది
- గురుకుల, సింగరేణి, ఇంజినీరింగ్ విభాగాల్లో ఉద్యోగాలు త్వరలో వెల్లడి
స్పష్టమైన షెడ్యూల్ very soon
ప్రతి పరీక్ష తేదీని అఖిల భారత పరీక్షల షెడ్యూల్ను పరిగణలోకి తీసుకుని నిర్ణయించనున్నారు. మంత్రుల బృందం సమీక్షించి త్వరలో సమగ్ర షెడ్యూల్ను విడుదల చేయనుంది.
రిజర్వేషన్ల ప్రకారం నియామకాలు
ఈసారి రిజర్వేషన్ అమలు విషయంలో ఎస్సీ వర్గీకరణ చట్టాన్ని అనుసరిస్తారు. అన్ని విభాగాల్లో న్యాయమైన రోస్టర్ను అమలు చేయాలనే దిశగా ప్రభుత్వం చర్యలు తీసుకుంటోంది. తద్వారా వెనుకబడిన తరగతులకు పెద్దఎత్తున అవకాశాలు లభించనున్నాయి.
నిరుద్యోగ యువతకు నూతన ఆశ
ఈ నియామక ప్రక్రియలతో గతకొంతకాలంగా నిరీక్షణలో ఉన్న యువతకు కొత్త ఆశలు పుట్టాయి. ప్రభుత్వ వర్గాల ప్రకారం, కొలువుల జాతర మొదలైందనే సంకేతాలు స్పష్టంగా వినిపిస్తున్నాయి.
By
