తెలంగాణ హైకోర్టు: 16 ఏళ్ల లోపు పిల్లలను థియేటర్లలోకి అనుమతించరాదని ఆదేశాలు
16 ఏళ్ల లోపు పిల్లలు సినిమా థియేటర్లకు వెళ్లే సమయాలను సంబంధించి తెలంగాణ హైకోర్టు కీలక నిర్ణయం తీసుకుంది. రాత్రి 11 గంటల నుండి ఉదయం 11 గంటల వరకు పిల్లలను థియేటర్లలోకి అనుమతించరాదని ఉత్తర్వులు జారీ చేసింది. అన్ని వర్గాలతో చర్చించి తగిన నిర్ణయం తీసుకోవాలని ధర్మాసనం సూచించింది.
సినిమా టికెట్ ధరల పెంపు, ప్రత్యేక షో, బెనిఫిట్ షోలకు అనుమతి అంశాలపై విచారణ సందర్భంగా పిటిషనర్లు చేసిన వాదనలను పరిశీలించిన న్యాయస్థానం, వేళాపాలా లేని సినిమా షోలకు పిల్లలు వెళ్లడం వల్ల వారి మానసిక, శారీరక ఆరోగ్యంపై ప్రతికూల ప్రభావం పడుతున్నట్లు పేర్కొంది.
సంధ్య థియేటర్ ఘటన ప్రస్తావన:
‘పుష్ప 2’ ప్రీమియర్ షో సందర్భంగా సంధ్య థియేటర్ వద్ద చోటుచేసుకున్న తొక్కిసలాటలో ఓ మహిళ మరణించి, ఆమె కొడుకు గాయపడిన ఘటనను కూడా న్యాయస్థానం గుర్తు చేసింది.
సినిమాటోగ్రఫీ నిబంధనలు:
ఉదయం 8.40 గంటల లోపు, తెల్లవారుజామున 1.30 గంటల తర్వాత పిల్లలను సినిమాలకు అనుమతించరాదని నిబంధనలు ఉల్లేఖించారు.
హైకోర్టు ఆదేశాలు:
జస్టిస్ బి.విజయ్ సేన్ రెడ్డి ధర్మాసనం పిటిషనర్ల వాదనలతో ఏకీభవిస్తూ, రాత్రి 11 గంటల నుండి ఉదయం 11 గంటల వరకు 16 ఏళ్లలోపు పిల్లలను థియేటర్లలోకి అనుమతించవద్దని ఆదేశించింది.
హోం శాఖ ముఖ్య కార్యదర్శి అన్ని స్టేట్ హోల్డర్లతో చర్చించి తగిన నిర్ణయం తీసుకోవాలని పేర్కొంది. తదుపరి విచారణను ఫిబ్రవరి 22కు వాయిదా వేసింది.
By
