కోలీవుడ్ స్టార్ హీరో సూర్యకు విపరీతమైన క్రేజ్ ఉన్న విషయం తెలిసిందే. హీరోయిజం మాత్రమే కాదు, నటనకు ప్రాధాన్యత ఇచ్చి కంటెంట్ బలంగా ఉండే విభిన్న చిత్రాలను ఎంచుకుంటూ తనకంటూ ప్రత్యేక గుర్తింపు తెచ్చుకున్నాడు. చివరిసారిగా “కంగువ” చిత్రంతో ప్రేక్షకుల ముందుకు వచ్చిన సూర్య, దక్షిణాదిలో అగ్రనటుడిగా నిలిచాడు.
సౌత్ ఇండస్ట్రీలో అత్యంత ఇష్టమైన జంటలలో సూర్య, జ్యోతిక ఒకరు. ఈ ఇద్దరు దక్షిణాదిలో స్టార్ హీరోహీరోయిన్స్. వారు కలిసి అనేక సినిమాల్లో నటించారు, అప్పుడు ఏర్పడిన పరిచయం ఆత్మీయ ప్రేమగా మారింది. తరువాత వారు పెద్దల సమక్షంలో పెళ్లి చేసుకున్నారు. వీరికి ఇద్దరు పిల్లలు, ఒక పాప, ఒక బాబు ఉన్నారు.
జ్యోతిక, సూర్య పెళ్లి చేసుకోక ముందు టాప్ హీరోయిన్లలో ఒకరిగా బిజీగా ఉండిపోయింది. ఆమె మొదట ఎస్జే సూర్య దర్శకత్వంలో “వాలి” చిత్రంతో కథానాయికగా పరిచయమైంది. ఈ చిత్రంలో అద్భుతమైన నటనతో మెప్పించి, దక్షిణాదిలో టాప్ హీరోయిన్లలో ఒకటిగా మారింది. తెలుగు, తమిళం భాషల్లో ఆమె స్టార్ హీరోల సరసన నటించింది.
సూర్య, జ్యోతిక కలిసి “మాయావి”, “సిల్లును ఒరు కాదల్” వంటి చిత్రాల్లో నటించారు. 2006లో వీరిద్దరి పెళ్లి ఘనంగా జరిగింది. పెళ్లి తర్వాత జ్యోతిక సినిమాలకు దూరంగా ఉండిపోయింది. కానీ, తాజాగా ఆమె తన రెండవ ఇన్నింగ్స్ ప్రారంభించింది.
జ్యోతిక ఇప్పుడు తమిళం, మలయాళం, హిందీ చిత్రాల్లో నటిస్తూ బిజీగా ఉంది. ఆమెకు హిందీలో వరుస ఆఫర్స్ వస్తున్నాయి. ప్రస్తుతం జ్యోతిక తన కుటుంబంతో కలిసి ముంబైలో స్థిరపడింది. ఒక్క సినిమాకు ఆమె రూ.5 కోట్లు వసూలు చేస్తోంది. ఆమె తన సంపదను సినిమాల ద్వారా మాత్రమే కాకుండా ప్రకటనల ద్వారా కూడా సంపాదిస్తోంది. సంవత్సరానికి రూ.20 నుంచి రూ.30 కోట్ల వరకు సంపాదించగలుగుతుంది.
జ్యోతిక, సూర్య కలిసి 2D నిర్మాణ సంస్థను ప్రారంభించారు. ఈ సంస్థ ద్వారా వారు కొత్త సినిమాలు నిర్మిస్తున్నారు. నివేదికల ప్రకారం జ్యోతిక మొత్తం రూ.330 కోట్ల ఆస్తులను కలిగి ఉంది. ఆసక్తికరంగా, ఆమెకు సూర్యకంటే ఎక్కువ ఆస్తులు ఉన్నట్లు సమాచారం.
By
