ఐపీఎల్ 2024 సీజన్‌లో సన్‌రైజర్స్ హైదరాబాద్ విధ్వంసకర బ్యాటింగ్‌తో అందరి దృష్టిని ఆకర్షిస్తోంది. భారీ స్కోర్లు చేసి అభిమానుల్ని ఆకట్టుకుంటున్నా, జట్టు స్థిరత కోల్పోయినట్టు కనిపిస్తోంది. ఓ మ్యాచ్‌లో 286 పరుగులు చేసి చరిత్ర సృష్టించిన ఈ జట్టు, మరొక మ్యాచ్‌లో 120 పరుగులకే కుప్పకూలటం ఆశ్చర్యం కలిగిస్తోంది.
ఈ సీజన్‌ ఆరంభంలో ఎస్ఆర్హెచ్ ఆట తీరుపై అభిమానులు ‘కాటేరమ్మ కొడుకుల’ జట్టు అంటూ ప్రశంసల వర్షం కురిపించారు. కానీ మొదటి విజయానంతరం వరుసగా మూడు మ్యాచ్‌ల్లో ఓటమిని చవిచూడటంతో పరిస్థితి మారిపోయింది. అభిమానులు, క్రికెట్ నిపుణులు జట్టు స్ట్రాటజీపై ప్రశ్నలు వేస్తున్నారు.
ఈ సీజన్‌లో ఇప్పటికే 287, 286, 277 పరుగుల భారీ స్కోర్లను నమోదు చేసిన ఎస్ఆర్హెచ్.. ఐపీఎల్ చరిత్రలోనే టాప్ స్కోర్ల జాబితాలో ముందుంది. కానీ ఇదే జట్టు బ్యాటింగ్ పిచ్‌పై కేవలం 120 పరుగులకే ఆలౌట్ కావడంతో విమర్శలు వెల్లువెత్తుతున్నాయి.
ఒక్కసారి దూకుడుగా ఆడినంత మాత్రాన ప్రతి మ్యాచ్‌లో భారీ స్కోరు సాధించలేమని నిపుణులు చెబుతున్నారు. పిచ్ పరిస్థితులు, మ్యాచ్ పరిస్థితుల్ని బట్టి సర్దుబాటు చేసుకోవడం అవసరం. అలాగే బౌలింగ్‌లో సరైన మార్పులు చేస్తే ప్లే ఆఫ్స్‌కు చేరే అవకాశం చాలా ఎక్కువ.
క్రికెట్ విశ్లేషకుల మాటల ప్రకారం, ఎస్ఆర్హెచ్ జట్టు ఓవర్ అగ్రెసివ్ నెచర్‌ను కొంచెం తగ్గించుకొని, ప్రతి మ్యాచ్‌ను బలమైన ప్రణాళికతో ఆడితే.. మళ్లీ గెలుపుపై దూసుకుపోవచ్చు.
By
