స్టార్ హీరోయిన్ సమంత మరోసారి అనారోగ్య సమస్యతో బాధపడుతోంది. మయోసైటిస్ బారిన పడిన తర్వాత సమంత సినిమాలను తగ్గించుకోవడమే కాకుండా, తరచూ చికిత్స కోసం విదేశాలకు వెళ్లాల్సి వస్తోంది. ఆమె చివరిసారిగా 2023లో రిలీజైన ‘ఖుషి’ సినిమాలో నటించింది. ఆ సినిమా తర్వాత ఆమె సిల్వర్ స్క్రీన్ మీద కనిపించలేదు.
తాజాగా సమంత తన ఇన్స్టాగ్రామ్ స్టోరీలో జిమ్లో వర్కౌట్ చేస్తున్న ఫోటోను షేర్ చేస్తూ, “చికెన్ గున్యా వల్ల వచ్చిన కీళ్లనొప్పుల నుంచి కోలుకోవడం చాలా కష్టం. ఇది ఫన్గా ఉంటుంది” అని ఎమోషనల్గా రాసుకొచ్చింది. ఈ పోస్ట్కు సాడ్ ఎమోజీ కూడా జతచేసింది.
సమంత షేర్ చేసిన ఈ ఇన్స్టా స్టోరీ కేవలం కొన్ని క్షణాల్లోనే వైరల్గా మారింది. దీన్ని చూసిన ఫ్యాన్స్, నెటిజన్లు ఆమె ఆరోగ్యం గురించి ఆందోళన చెందుతున్నారు. “సమంత త్వరగా కోలుకోవాలి” అంటూ కామెంట్లు చేస్తున్నారు.
సమంత నటించిన సిటాడెల్ వెబ్ సిరీస్ ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతోంది. ఈ సిరీస్లో వరుణ్ ధావన్ హీరోగా నటించగా, కేకే మీనన్, సికందర్ ఖేర్, సిమ్రాన్ బాగా, భువన్ అరోరా తదితరులు కీలక పాత్రలు పోషించారు. ‘ది ఫ్యామిలీ మ్యాన్’ సిరీస్తో మంచి గుర్తింపు తెచ్చుకున్న రాజ్ & డీకే ఈ వెబ్ సిరీస్ను తెరకెక్కించారు.
సమంత గతంలో తన ఆరోగ్య సమస్యల గురించి ఎమోషనల్ పోస్ట్లు పెట్టిన సందర్భాలు చాలా ఉన్నాయి. అయినా, ఫ్యాన్స్తో టచ్లో ఉండేందుకు ఆమె సోషల్ మీడియాను ఉపయోగిస్తోంది. పర్సనల్ అండ్ ప్రొఫెషనల్ విషయాలను షేర్ చేయడం, గ్లామరస్ ఫొటోలు పోస్ట్ చేయడం వంటి పనులతో ఫ్యాన్స్కు సర్ప్రైజ్ ఇస్తోంది.
By
