టాలీవుడ్ స్టార్ హీరోయిన్ సమంత విడాకులు తీసుకున్న తర్వాత ఒంటరిగానే గడుపుతోంది. సినిమాలు, వెబ్ సిరీస్లతో బిజీగా ఉంటున్నప్పటికీ, ఆమెపై రూమర్లు మాత్రం ఆగడం లేదు. ముఖ్యంగా డేటింగ్, రిలేషన్షిప్ వార్తల్లో సమంత పేరు తరచుగా వినిపిస్తోంది.
ఇటీవల బాలీవుడ్ స్టార్ దర్శకుడు రాజ్ నిడిమోరుతో సమంత డేటింగ్లో ఉందనే పుకార్లు ఎక్కువయ్యాయి. ఈ రూమర్లకు మరింత బలం చేకూరేలా సమంత తన ఇన్స్టాగ్రామ్లో కొన్ని ఫొటోలు షేర్ చేసింది. ‘పికిల్బాల్ టోర్నమెంట్’లో పాల్గొన్న సమంత సరదాగా గడిపిన క్షణాలను అభిమానులతో పంచుకుంది. ఈ ఫొటోలలో దర్శకుడు రాజ్ నిడిమోరు కూడా కనిపించడం గమనార్హం.
గతంలో రాజ్ దర్శకత్వంలో తెరకెక్కిన ‘ది ఫ్యామిలీ మ్యాన్’ మరియు ‘సిటాడెల్: హనీ బానీ’ సిరీస్లలో సమంత ప్రధాన పాత్ర పోషించింది. ఈ క్రమంలో వారిద్దరి మధ్య మంచి స్నేహం ఏర్పడిందని చెప్పుకుంటున్నారు. అయితే, ఇటీవల ఎక్కడ చూసినా వీరిద్దరూ కలిసి కనిపించడంతో డేటింగ్ పుకార్లు ఊపందుకున్నాయి.
ఇటీవల ‘పికిల్బాల్ టోర్నమెంట్’ సందర్భంగా సమంత, రాజ్ కలిసి కనిపించడం, అందులో చెట్టపట్టాలేసుకోవడం డేటింగ్ వార్తలకు మరింత ఊతమిచ్చింది. అంతేకాదు, ఓ లైవ్ ఇంటర్వ్యూలో సమంతకు స్వయంగా రాజ్ నుంచి మెసేజ్ వచ్చిందని, దీంతో సమంత కాస్త సిగ్గుపడిపోయిందని గుసగుసలు వినిపిస్తున్నాయి. అయితే, రాజ్ నిడిమోరు ఇప్పటికే వివాహం చేసుకున్నాడు. అతని భార్య పేరు శ్యామాలి డే.
ఈ రూమర్లకు సమంత లేదా రాజ్ నిడిమోరు ఇప్పటివరకు ఎలాంటి స్పందన ఇవ్వలేదు. కానీ, వీరి మధ్య పెరిగిన స్నేహం, తరచూ కలిసి కనిపించడం డేటింగ్ వార్తలను మరింత బలపరుస్తున్నాయి.
By
