మెగా మేనల్లుడు, సుప్రీం హీరో సాయి దుర్గ తేజ్ మళ్లీ సినిమాల్లో బిజీగా ఉన్నప్పటికీ, సామాజిక సేవా కార్యక్రమాల్లో కూడా చురుగ్గా పాల్గొంటున్నాడు. తన సినిమాల వల్ల వచ్చిన గుర్తింపును సమాజ సేవ కోసం వినియోగిస్తూ, చాలా మందికి అండగా నిలుస్తున్నాడు. తాజాగా, లివర్ సమస్యతో బాధపడుతున్న ఓ చిన్నారికి తన వంతు సాయం చేశాడు.
ఈ సందర్భంలో సాయి దుర్గ తేజ్ తన ఇన్‌స్టాగ్రామ్ స్టోరీస్‌లో ఒక ఎమోషనల్ నోట్ షేర్ చేశాడు. “హయా అనే అమ్మాయి కాలేయ వ్యాధితో బాధపడుతోంది. ప్రస్తుతం ఆ పాప జూబ్లీహిల్స్‌లోని అపోలో ఆస్పత్రిలో చికిత్స తీసుకుంటోంది. నేను ఆమె ట్రీట్‌మెంట్ కోసం సాయం చేశాను. దయచేసి మీరు కూడా డబ్బును ఇవ్వండి. మీరు చేసే సాయం ఆ పాప ప్రాణాలతో ఉంటుందని నమ్మకం ఉంది. ప్రతి డొనేషన్ చాలా ముఖ్యమైనది. ఆమె ఓ పోరాట యోధురాలు. మీరు సాయం చేయడం వల్ల ఆ పాప సమస్య నుంచి బయటపడుతుంది.” అని రాసుకొచ్చాడు.
సాయి దుర్గ తేజ్ తన వంతు సహాయం చేయడంతో పాటు, ఇతరులను కూడా సాయం చేయాలంటూ పిలుపునిచ్చాడు. ఈ పోస్ట్ ప్రస్తుతం సోషల్ మీడియాలో వైరల్‌గా మారింది, పలువురు అభిమానులు, నెటిజన్లు తమ వంతు సాయం ప్రకటించారు.
ఇక, సినిమాల విషయానికి వస్తే, సాయి దుర్గ తేజ్ ప్రస్తుతం ‘సంబరాల ఏటిగట్టు’ సినిమా షూటింగ్‌లో బిజీగా ఉన్నాడు. ఈ చిత్రం పాన్ ఇండియా స్థాయిలో విడుదల కానుంది, మరియు ఇందులో సాయి దుర్గ తేజ్ తన గతం నుంచి చాలా కొత్త లుక్‌లో కనిపించనున్నాడు. ఈ సినిమా కోసం అతను బాడీకి గట్టి శ్రమ పెట్టాడు, తన శరీరాన్ని బాగా ఫిట్ చేశాడు. ఈ సినిమా ఆఖరికి 2025లో ప్రేక్షకుల ముందుకు రానుంది.
By
