న్యాచురల్ స్టార్ నాని క్రేజ్ గురించి ప్రత్యేకంగా చెప్పనక్కర్లేదు. అసిస్టెంట్ డైరెక్టర్‌గా సినీ ప్రయాణం ప్రారంభించిన నాని, స్టార్ హీరోగా అగ్రస్థానాన్ని సంపాదించుకున్నాడు. “దసరా” వంటి పాన్ ఇండియా బ్లాక్ బస్టర్ ఇచ్చిన తరువాత, ప్రస్తుతం “ది ప్యారడైజ్” మరియు “హిట్ 3” చిత్రాల్లో నటిస్తున్నాడు.
“హిట్ 3” సినిమా డైరెక్టర్ శైలేష్ కొలను దర్శకత్వంలో రూపొందుతుండగా, “ది ప్యారడైజ్” మూవీకి “దసరా” దర్శకుడు శ్రీకాంత్ ఓదెల దర్శకత్వం వహిస్తున్నాడు. ఈ సినిమాకు సంబంధించిన ఫస్ట్ లుక్ పోస్టర్ ప్రేక్షకులను ఆకట్టుకుంది. నాని ఇందులో ఊహించని లుక్ లో కనిపించనున్నట్లు సమాచారం.
ఇక “ది ప్యారడైజ్” సినిమా షూటింగ్ మొదలు కాకుండానే, ఓటీటీ భారీ ధరకు అమ్ముడైందన్న రూమర్లు వినిపించాయి. అదేవిధంగా, ఈ ప్రాజెక్ట్ ఆగిపోయిందంటూ వార్తలు వైరల్ అయ్యాయి. నాని స్క్రిప్ట్ మార్పులు కోరాడని, దాంతో బడ్జెట్ పెరిగిపోయిందని ప్రచారం జరిగింది.
ఈ వార్తలపై “ది ప్యారడైజ్” టీం గట్టిగా స్పందించింది. “ఈ సినిమా అనుకున్నట్లుగానే ముందుకు సాగుతోంది. ఎలాంటి అనుమానాలు అవసరం లేదు. గజరాజు నడిస్తే గజ్జి కుక్కలు అరుస్తాయి. రూమర్స్ నమ్మొద్దు!” అంటూ క్లారిటీ ఇచ్చింది.
నాని అభిమానులు “ది ప్యారడైజ్” పై భారీ అంచనాలు పెట్టుకున్నారు. మరి, ఈ సినిమా మరో బ్లాక్‌బస్టర్ అవుతుందా? చూడాలి! 🚀
By
