గత ఏడాది కుటుంబ సభ్యులు, స్నేహితుల సమక్షంలో పెళ్లి బంధంలోకి అడుగుపెట్టిన లవ్ బర్డ్స్ నాగ చైతన్య-శోభిత ధూళిపాళ్ల ప్రస్తుతం వరుస సినిమాలతో ప్రేక్షకులను అలరిస్తున్నారు. ఇక తాజాగా వీరు కలిసి కార్ రేసింగ్‌లో పాల్గొనగా, ఇందుకు సంబంధించిన ఫోటోలు సోషల్ మీడియాలో తెగ వైరల్ అవుతున్నాయి.
నాగ చైతన్యకు కార్ రేసింగ్ అంటే చిన్నప్పటి నుంచీ ఎంతో ఇష్టం. ఆయన తరచుగా సూపర్ కార్లను డ్రైవ్ చేస్తూ ఫోటోలు పంచుకుంటుంటారు. తాజాగా శోభిత కూడా రేసింగ్‌లో పాల్గొంది. ఆమె హెల్మెట్ ధరించి కారులో కూర్చున్న ఫోటోను షేర్ చేయగా, ఆ పిక్ నెటిజన్లను ఆకట్టుకుంటోంది. రేసింగ్ సమయంలో ప్రమాదకరమైన గాయాలు కాకుండా ఉండేందుకు వారు తప్పనిసరిగా హెల్మెట్లు ధరిస్తారు.
ఇక మరో ఫోటోలో నాగ చైతన్య కారులో కూర్చొని ఉండగా, శోభిత దూరం నుంచి చూస్తున్నట్లుగా ఉంది. ఈ రేర్ క్లిక్‌కు అభిమానుల నుంచి భారీ స్థాయిలో లైక్స్ వస్తున్నాయి.
కొన్నాళ్లుగా ప్రేమలో ఉన్న నాగ చైతన్య, శోభిత గతేడాది డిసెంబర్‌లో కుటుంబ పెద్దల సమక్షంలో పెళ్లి చేసుకున్నారు. ఇక ఇటీవలే చైతూ నటించిన “తండేల్” సినిమా భారీ హిట్ సాధించింది. ఈ సినిమా బాక్సాఫీస్ వద్ద రూ.100 కోట్లకు పైగా వసూళ్లు రాబట్టి, చైతన్య కెరీర్‌లో మరో ఘనవిజయాన్ని సాధించింది.
ప్రస్తుతం చైతన్య-శోభిత కపుల్ షేర్ చేసిన రేసింగ్ ఫోటోలు సోషల్ మీడియాలో చక్కర్లు కొడుతున్నాయి
By
