పాపం మోనాలిసా, అందం తెచ్చిన ఇబ్బంది! ఉత్తర ప్రదేశ్ లో జరుగుతున్న మహా కుంభమేళా వేడుకలో ఈ అమ్మాయి ప్రత్యేక ఆకర్షణగా మారింది. త్రివేణి సంగమం వద్ద జరిగిన ఈ ఆధ్యాత్మిక వేడుకలో, కాటుక దిద్దిన తేనెకళ్లతో ఆకర్షణీయంగా కనిపించిన మోనాలిసా, ఆమె సహజ సౌందర్యంతో లక్షలాది మంది భక్తుల దృష్టిని ఆకర్షించింది. ఈ అమ్మాయి అందం సోషల్ మీడియా ద్వారా విపరీతంగా వైరల్ అయింది.
కానీ ఆమె అందం ఆమెకు ఇబ్బందిగా మారింది. తన తల్లిదండ్రులకు సాయం చేయడానికి మహా కుంభమేళాలో దండలు అమ్మడానికి వచ్చిన మోనాలిసా, నిత్యం వీడియోలు, ఫోటోలు తీయడానికి వచ్చిన జనాలను ఎదుర్కొంటూ ఇబ్బందిపడింది. ఈ ఇబ్బందులు పెరిగిపోయే వరకు ఆమె ముఖం దాచుకోవడానికి మాస్క్, క్యాప్ జాకెట్ వేసి దండలు అమ్మే ప్రయత్నం చేసింది.
ఈ పరిస్థితితో మోనాలిసా కుటుంబం ఆమెను ఇండోర్ లోని ఇంటికి పంపించబోతుంది. సోషల్ మీడియా ప్రచారం ఆమె వృత్తిని ఇబ్బందికరంగా మార్చినప్పటికీ, యూట్యూబర్లు ఆమెను ఇంకా ఇంటర్వ్యూల కోసం వెతుకుతున్నారు.
By
