లక్షకు చేరిన గోల్డ్ రేట్లు.. ఒక్క పరిణామం వల్ల ధర పడిపోవొచ్చా?

పసిడి పరుగులు తగ్గట్లే కనిపిస్తున్నా… గోల్డ్ రేట్లు ఇంకా లక్ష రూపాయల మార్క్ దాటి పరుగులేస్తున్నాయి. ఇటీవలి రోజులలో కొంత తగ్గినట్టు కనిపించినా, మళ్లీ బంగారం ధరలు మితిమీరిన దూకుడుతో రికార్డులు సృష్టిస్తున్నాయి. ప్రస్తుతం 24 క్యారెట్ల 10 గ్రాముల బంగారం ధర రూ.96,540కి చేరుకుంది. కేవలం రెండు రోజుల వ్యవధిలోనే ఇది రూ.6,000 వరకూ పెరిగింది. ఇదే స్పీడ్‌తో వెళ్లితే, త్వరలోనే ₹1 లక్ష మైలురాయిని దాటవచ్చని నిపుణుల అంచనా. మరోవైపు, వెండి ధర కూడా కిలోకు ₹95,500కి చేరుకుంది.

అమెరికా – చైనా మధ్య కొనసాగుతున్న ట్రేడ్ వార్, అంతర్జాతీయ ఆర్థిక అనిశ్చితులు, డాలర్ ఇండెక్స్ పతనం వంటి అంశాల నేపథ్యంలో బంగారానికి డిమాండ్ పెరిగింది. అమెరికా మాజీ అధ్యక్షుడు ట్రంప్ విధించిన 145% సుంకాలు, చైనా స్పందనలో 125% టారిఫ్‌లు ప్రపంచాన్ని ఆర్థిక భయాందోళనకు గురిచేశాయి. ఈ నేపథ్యంలో కేంద్ర బ్యాంకులు గోల్డ్ నిల్వలు పెంచడం గోల్డ్ రేట్లను మరింత పైకి తీసుకెళ్లింది.

అయితే బంగారం పెరుగుతున్న తీరుకు ఎట్టిపరిస్థితుల్లోనైనా బ్రేకులు పడే అవకాశం ఉందని విశ్లేషకులు చెబుతున్నారు. ముఖ్యంగా ప్రపంచవ్యాప్తంగా ద్రవ్యోల్బణాన్ని అదుపు చేయడానికి కొన్ని దేశాలు భారీగా గోల్డ్ నిల్వలను మార్కెట్‌లోకి విడుదల చేస్తే, ధరలు ఒక్కసారిగా క్షీణించవచ్చని సూచిస్తున్నారు.