పుచ్చకాయలో విటమిన్ A, B, C, పొటాషియం, లైకోపీన్, బీటా కెరోటిన్ వంటి అనేక పోషకాలు ఉన్నాయి. ఇవి శరీరానికి అనేక రకాల మేలు చేస్తాయి. ముఖ్యంగా లైకోపీన్ అనే యాంటీఆక్సిడెంట్ రోగనిరోధక శక్తిని పెంచేందుకు ఉపయోగపడుతుంది. అయితే, కోసిన తర్వాత పుచ్చకాయను ఫ్రిజ్‌లో ఉంచితే, దీని పోషకాలు తగ్గిపోతాయని నిపుణులు హెచ్చరిస్తున్నారు. విటమిన్ A, C, లైకోపీన్ వంటి ముఖ్యమైన పోషకాలు నష్టపోతాయి. ఫ్రిజ్‌లో ఎక్కువసేపు ఉంచితే ఫలంలోని రసం తగ్గిపోతుంది, రుచి తగ్గిపోతుంది.
ఫ్రిజ్‌లో పెట్టిన పుచ్చకాయ వల్ల బ్యాక్టీరియా పెరుగుతుందా?
పుచ్చకాయలో 90% పైగా నీటి శాతం ఉంటుంది. కోసిన వెంటనే తింటే శరీరానికి మంచిది. కానీ, కోసిన తర్వాత ఫ్రిజ్‌లో ఉంచితే తేమ వల్ల బ్యాక్టీరియా పెరిగే అవకాశం ఉంది. ఇది ఫుడ్ పాయిజనింగ్‌కు దారితీసే ప్రమాదం ఉంది. ముఖ్యంగా చిన్న పిల్లలు, వయసైన వారు ఫ్రిజ్‌లో ఉంచిన పుచ్చకాయను తినకుండా ఉండటం ఉత్తమం. ఫ్రిజ్‌లో పెట్టిన పుచ్చకాయ తిన్న తర్వాత కడుపునొప్పి, వాంతులు, విరేచనాలు వచ్చే అవకాశం ఉంటుంది.
చల్లటి పుచ్చకాయ వల్ల వచ్చే ఆరోగ్య సమస్యలు
పుచ్చకాయ సహజంగా శరీరాన్ని చల్లగా ఉంచే గుణం కలిగి ఉంటుంది. అందుకే వేసవిలో ఎక్కువగా తింటారు. కానీ ఫ్రిజ్‌లో ఉంచిన పుచ్చకాయ మరింత చల్లగా మారిపోతుంది. దీన్ని తిన్న వెంటనే కొందరికి దగ్గు, జలుబు, గొంతు సమస్యలు రావచ్చు. రాత్రి పూట చల్లటి పుచ్చకాయ తింటే జీర్ణక్రియ మందగించడంతో పాటు అజీర్ణ సమస్యలు రావచ్చు.
పుచ్చకాయను ఎలా తినాలి?
- కోసిన వెంటనే తినడం ఉత్తమం
- ఫ్రిజ్‌లో ఉంచితే, రంధ్రాలు ఉన్న మూతతో కవర్ చేసి ఉంచాలి
- కోసిన తర్వాత 2-3 గంటల్లోపే తినేయాలి
- పుచ్చకాయను రాత్రిపూట తినడం మంచిది కాదు
- తినలేకపోతే, జ్యూస్ చేసుకుని తాగడం మంచిది
ఫ్రిజ్‌లో పెట్టిన పుచ్చకాయ తినడం మంచిదేనా?
పుచ్చకాయ వేసవిలో శరీరాన్ని చల్లగా ఉంచే ఉత్తమమైన పండు. కానీ, ఫ్రిజ్‌లో ఉంచిన తర్వాత తినడం వల్ల పోషకాలు తగ్గిపోవడంతో పాటు, బ్యాక్టీరియా పెరిగే అవకాశం ఉంటుంది. దీని వల్ల ఫుడ్ పాయిజనింగ్ కూడా కలగొచ్చు. అందుకే పుచ్చకాయను కోసిన వెంటనే తినడం ఉత్తమం.
By
