గుడ్డులోని పచ్చసొనను పక్కన పెట్టేస్తున్నారా?..గుడ్డులోని పచ్చ సొన ఆరోగ్య ప్రయోజనాలు….

పోషకాల పవర్ హౌస్… కోడిగుడ్డు అంటారు పోషకాహార నిపుణులు. ప్రతిరోజూ ఒక గుడ్డు తింటే చాలు… మన శరీరానికి అవసరమైన ఎన్నో పోషకాలు అందుతాయని చెబుతున్నారు. ఇది ప్రోటీన్, విటమిన్ B12, విటమిన్ D, ఇనుము, జింక్, సెలీనియం వంటి ముఖ్యమైన పోషకాలు సమృద్ధిగా లభిస్తాయి.

అలాంటిది గుడ్డులోని పచ్చ సొనను కొందరు బయట పడేస్తుంటారు. కేవలం తెల్లసొన మాత్రమే తింటుంటారు. కానీ నిజానికి మనం తినాల్సింది పచ్చ సొననే అంటున్నారు నిపుణులు. అదేలాగో ఇక్కడ తెలుసుకుందాం.

గుడ్డులోని పచ్చ సొన పోషకాల గని

పచ్చ సొనలో ఎన్నో ఆరోగ్య ప్రయోజనాలు ఉంటాయి. గుడ్డులోని పచ్చ సొనలో విటమిన్ A అధికంగా ఉంటుంది. ఇది రెటినోల్ రూపంలో దొరుకుతుంది. మన కళ్లలోని రెటీనాకు ఇది చాలా అవసరం. రేచీకటి రాకుండా అడ్డుకుంటుంది. వయసు పెరుగుతుంటే వచ్చే అంధత్వం రాకుండా రక్షిస్తుంది.

పచ్చ సొనలో విటమిన్ K కూడా అధికంగా ఉంటుంది. గాయాలు తగిలినప్పుడు రక్తం గడ్డ కట్టడం చాలా అవసరం. లేకుంటే అధిక రక్తస్రావమై ప్రాణాపాయం కలుగుతుంది. ఈ విధంగా గాయాల నుంచి రక్తాన్ని ఆపే శక్తి విటమిన్ K కు ఉంది.

గుడ్డులోని పచ్చ సొనలో విటమిన్ D కూడా ఉంటుంది. ఇది ఆస్టియోపొరాసిస్ వంటివి రాకుండా అడ్డుకుంటుంది. అలాగే, ఇందులో విటమిన్ E కూడా మెరుగ్గా ఉంటుంది. దీన్ని తినడం వల్ల చర్మానికి ఎలాంటి నష్టాలు రావు. చర్మ క్యాన్సర్ వచ్చే అవకాశం తగ్గుతుంది. చర్మంపై ముడతలు పడడం, మొటిమలు రావడం వంటి సమస్యలు తగ్గుతాయి.

గుడ్డులోని పచ్చ సొనలోని బి విటమిన్లు మన శరీరానికి అత్యవసరమైనవి. ఇవి ఎర్ర రక్త కణాల ఉత్పత్తికి సహాయపడతాయి.

Summary:
గుడ్డులోని పచ్చ సొన పోషకాహార నిపుణుల ప్రకారం అనేక ఆరోగ్య ప్రయోజనాలను అందిస్తుంది. విటమిన్ A, K, D, E, మరియు బి విటమిన్లు, అవి కళ్ల ఆరోగ్యం, చర్మ ఆరోగ్యం, రక్త గడ్డ కట్టడం, మరియు ఎర్ర రక్త కణాల ఉత్పత్తికి ముఖ్యమైనవి. కొలెస్ట్రాల్ భయంతో పచ్చ సొనను విడిచిపెట్టడం అనవసరం.