ఛాంపియన్స్ ట్రోఫీ 2025 నాకౌట్ దశకు చేరుకుంది. లీగ్ దశలోని అన్ని మ్యాచ్‌లు ముగియగా, సెమీఫైనల్‌కు అర్హత సాధించిన జట్లు తుదిసాగరకు సిద్ధమయ్యాయి. మొదటి సెమీఫైనల్ భారత్-ఆస్ట్రేలియా జట్ల మధ్య దుబాయ్‌లో జరుగనుంది. రెండో సెమీఫైనల్ న్యూజిలాండ్-దక్షిణాఫ్రికా జట్ల మధ్య పాకిస్తాన్‌లో జరగనుంది. ఈసారి టోర్నమెంట్‌లో వర్షం కారణంగా అనేక ఆటలకు అంతరాయం ఏర్పడింది. పాకిస్తాన్‌లో వర్షం కారణంగా కొన్ని మ్యాచ్‌లు రద్దయ్యాయి. అయితే, మార్చి 4న దుబాయ్‌లో జరగనున్న భారత్ vs ఆస్ట్రేలియా మ్యాచ్‌కు వర్షం ముప్పు లేదని వాతావరణ శాఖ తెలిపింది.
మ్యాచ్ సమయానికి దుబాయ్‌లో వాతావరణం పూర్తిగా శుభ్రంగా ఉండే అవకాశం ఉంది. మ్యాచ్ ప్రారంభ సమయంలో ఉష్ణోగ్రత 30°C వరకు ఉండవచ్చు, ఇక సాయంత్రానికి అది 25°C వరకు తగ్గే అవకాశముంది. దీని వల్ల ఆటగాళ్లు తేలికగా ఆడే వీలుంటుంది. మ్యాచ్‌కు వర్షం ఎలాంటి అంతరాయం కలిగించదని చెప్పడంతో భారత క్రికెట్ అభిమానులు ఊపిరి పీల్చుకున్నారు.
లీగ్ దశలో భారత్ మరియు ఆస్ట్రేలియా జట్లు అద్భుత ప్రదర్శన కనబరిచాయి. భారత్ ఇప్పటివరకు మూడు మ్యాచ్‌ల్లోనూ గెలిచింది. మరోవైపు, ఆస్ట్రేలియా ఒకే ఒక మ్యాచ్ పూర్తి చేసి గెలవగా, మిగిలిన రెండు మ్యాచ్‌లు వర్షం కారణంగా రద్దయ్యాయి. ఈ సెమీఫైనల్‌లో అసలు పోటీ ఇండియా మరియు ఆస్ట్రేలియా మధ్యే. ఆసీస్ బలమైన జట్టే అయినా, భారత జట్టు అదిరిపోయే ఫామ్‌లో ఉంది.
ఈ మ్యాచ్‌లో ఎవరు పైచేయి సాధిస్తారో చూడాలి!
By
