బాలీవుడ్ ఓ ఫేక్ ఇండస్ట్రీగా అభివర్ణిస్తూ నటుడు బాబిల్ ఖాన్ పెట్టిన వీడియోలు ప్రస్తుతం సోషల్ మీడియాలో వైరల్ అయ్యాయి. నటుడు ఇర్ఫాన్ ఖాన్ కుమారుడైన బాబిల్.. బాలీవుడ్‌లో నకిలీ సంబంధాలు, నెపోటిజం వల్ల తాను ఎదుర్కొంటున్న సమస్యల గురించి మాట్లాడాడు. అనన్య పాండే, అర్జున్ కపూర్, షనయా కపూర్ లాంటి స్టార్ కిడ్స్‌పై అసహనం వ్యక్తం చేశాడు.
బాలీవుడ్ నిజాయితీకి భిన్నంగా నడుస్తున్నదని, ఇది పని చేయడానికి మంచి స్థలం కాదంటూ ఆవేదన వ్యక్తం చేశాడు. ఈ వీడియోను షేర్ చేసిన కొద్ది సేపట్లోనే డిలీట్ చేసి, తన ఇన్‌స్టాగ్రామ్ ఖాతాను కూడా డీయాక్టివేట్ చేశాడు. అయితే కొన్ని గంటల తర్వాత మళ్లీ ఇన్‌స్టాలోకి వచ్చిన బాబిల్, తన వీడియోను తప్పుగా అర్థం చేసుకున్నారని పేర్కొన్నాడు. తనకు మద్దతుగా నిలిచిన స్నేహితులకు ధన్యవాదాలు తెలిపాడు. అతను తాజా నటించిన ‘లాగ్ అవుట్’ మూవీతో ప్రచారం కోణంలో ఇలా చేశాడా? లేక నిజంగా తనకు ఎదురవుతున్న మానసిక ఒత్తిడిని పంచుకున్నాడా? అన్నదాని మీద నెటిజన్లలో చర్చ జరుగుతోంది. నిజంగా యువ నటులు ఎదుర్కొంటున్న ఒత్తిడికి ఇది ప్రతిబింబమా? లేక సినిమా ప్రమోషన్ ట్రిక్‌మా? అనేది ఇప్పుడు ప్రశ్నార్థకంగా మారింది.
By
