దక్షిణాది చిత్ర పరిశ్రమలో ప్రత్యేక గుర్తింపు పొందిన అజిత్ కుమార్, ఎలాంటి సినీ నేపథ్యం లేకుండా తనకంటూ ఒక స్థానాన్ని సంపాదించుకున్నారు. తమిళంతో పాటు తెలుగు ప్రేక్షకుల మన్ననలు పొందిన అజిత్, నటుడిగానే కాకుండా బైక్ రేసర్, కార్ రేసర్, ఫోటోగ్రాఫర్, షూటర్‌లా కూడా ప్రత్యేకత చూపారు. ఇటీవల విదాముయార్చి సినిమాతో హిట్ అందుకున్న అజిత్, ప్రస్తుతం ‘గుడ్ బ్యాడ్ అగ్లీ’ సినిమాలో త్రిషతో జతకడుతున్నారు.
తాజాగా ఐఐటీ చెన్నై విద్యార్థుల తక్ష డ్రోన్ ప్రాజెక్టుకు సలహాదారుగా వ్యవహరిస్తూ తన పరిజ్ఞానాన్ని పంచుకుంటున్నారు. జనవరి 2025లో దుబాయ్‌లో జరిగిన కార్ రేస్‌లో తన జట్టు 911 GT3 R విభాగంలో మూడోస్థానం దక్కించుకుంది.
ఇక తన కొడుకు ఆద్విక్‌ను కూడా కార్ రేసింగ్‌కు ప్రోత్సహిస్తున్న అజిత్, ఇటీవల జరిగిన గోకార్ట్ రేస్‌లో ట్రైనింగ్ ఇస్తున్న వీడియో ఇప్పుడు వైరల్ అవుతోంది. స్కూల్ రన్నింగ్ రేస్‌లో గోల్డ్ మెడల్ సాధించిన ఆద్విక్, బ్రెజిల్ vs ఇండియా ఫుట్‌బాల్ మ్యాచ్‌లోనూ ఆకట్టుకున్నాడు. రొనాల్డిన్హో అతనికి ప్రేరణగా మారారు.
ఈ సందర్భంగా అజిత్ కుమార్ మేనేజర్ సురేష్ చంద్ర షేర్ చేసిన వీడియోపై అభిమానులు స్పందిస్తూ, “తండ్రికి తగ్గ తనయుడు”, “ఇదే నిజమైన స్పూర్తి” అంటూ ప్రశంసలు కురిపిస్తున్నారు.
By
