హైదరాబాద్ ఇప్పుడు ప్రపంచ సుందరీమణులతో సందడిగా మారింది. మిస్ వరల్డ్ పోటీలకు ఏర్పాట్లు పూర్తి కాగా, పోటీదారులు ఒక్కొక్కరుగా శంషాబాద్ ఎయిర్‌పోర్ట్‌కు చేరుకుంటున్నారు. మిస్ ఇండియా నందిని గుప్తా, మిస్ మెక్సికో సెర్వాంటెస్‌, మిస్ బ్రెజిల్ జెస్సికా, మిస్ సౌతాఫ్రికా జోయాలిజే లాంటి 90కిపైగా దేశాల సుందరీమణులు ఇప్పటికే వచ్చారు. పర్యాటక శాఖ సంప్రదాయబద్ధంగా స్వాగతం పలుకుతూ, ప్రముఖ హోటళ్లలో వారిని బసచేసేలా ఏర్పాట్లు చేసింది. ఈ పోటీలు మార్చి 10న గచ్చిబౌలిలో ప్రారంభమై, 31న హైటెక్స్‌లో గ్రాండ్ ఫినాలేతో ముగియనున్నాయి. జూన్ 2న తెలంగాణ అవతరణ వేడుకల్లో విజేత పాల్గొననుంది.
ఇప్పటికే రాష్ట్ర మంత్రి జూపల్లి కృష్ణారావు ఈ పోటీలను పెట్టుబడుల ఆకర్షణ కోసం చేస్తున్నామంటూ స్పందించారు. అయితే ఈ పోటీలపై రాజకీయ దుమారం రాజుకుంది. విపక్షాలు – “అకాల వర్షాలతో రైతులు ఇబ్బంది పడుతుంటే, మిస్ వరల్డ్ పోటీలు అవసరమా?” అంటూ మండిపడుతుండగా, హిందూ సంఘాలు – “కశ్మీర్‌లో కల్లోలం మధ్య సుందరాంగణాల పోటీలు ఎందుకు?” అని ప్రశ్నిస్తున్నాయి. మహిళా సంఘాలు కూడా అందాల పోటీలు వ్యతిరేకిస్తూ ర్యాలీలు చేపట్టాయి. అయినప్పటికీ, హైదరాబాద్ ఇప్పుడు ప్రపంచ దృష్టిని ఆకర్షించేలా ముస్తాబైంది.
By
