ఉగ్రవాదంపై పోరాటంలో భారతదేశానికి సంపూర్ణ మద్దతు ఇస్తున్నట్టు రష్యా అధ్యక్షుడు వ్లాదిమిర్ పుతిన్ ప్రకటించారు. సోమవారం మే 5న, ప్రధాని నరేంద్ర మోదీకి ఫోన్ చేసిన ఆయన, జమ్ము కశ్మీర్‌లోని పహల్గామ్ ప్రాంతంలో జరిగిన ఉగ్రదాడిని తీవ్రంగా ఖండించారు.
అమాయక పౌరుల మరణంపై సంతాపం వ్యక్తం చేసిన పుతిన్, ఈ దాడికి పాల్పడ్డ ఉగ్రవాదులను కఠినంగా శిక్షించాలని తెలిపారు. న్యాయం జరగాలని, బాధితులకు న్యాయం కలగాలని ఆయన పేర్కొన్నారు. రష్యా భారతదేశంతో ఉన్న ప్రత్యేక వ్యూహాత్మక భాగస్వామ్యాన్ని మరింత బలోపేతం చేసేందుకు నిబద్ధత చూపుతోందని పుతిన్ స్పష్టం చేశారు. భారత విదేశాంగ శాఖ ప్రతినిధి రణధీర్ జైస్వాల్ ఈ సమాచారం వెల్లడించారు. ప్రధాని మోదీ కూడా పుతిన్‌కు ఈ సందర్భంగా 80వ విజయ దినోత్సవ శుభాకాంక్షలు తెలిపారు. అలాగే ఈ సంవత్సరం చివర్లో భారత్‌లో జరగనున్న శిఖరాగ్ర సమావేశానికి పుతిన్‌ను ఆహ్వానించారు. ఈ నేపథ్యంలో, ఉగ్రవాదంపై పోరులో భారత్‌కు అంతర్జాతీయ మద్దతు ఎలా పెరుగుతోందో ఈ ఘటన మరోసారి హైలైట్ చేసింది.
By
