అమరావతి భవిష్యత్తు కోసం తన భూములను త్యాగం చేసిన రైతులు గత ఐదేళ్లలో ఎన్నో ఇబ్బందులు అనుభవించారని, కానీ వారు న్యాయమైన పోరాటంలో విజయం సాధించారని డిప్యూటీ సీఎం పవన్ కళ్యాణ్ అన్నారు. శనివారం జరిగిన భారీ సభలో మాట్లాడిన ఆయన, అమరావతి శాశ్వత రాజధానిగా నిలిచేలా ప్రజలకు మాటిచ్చారు.
“లాఠీదెబ్బలు, ముళ్లకంచెలు, నిరంకుశ పాలన మధ్య మిమ్మల్ని మురికిలో నెట్టారు. కానీ మీరు తలవంచలేదు. రైతులు ఇచ్చిన భూముల త్యాగం వృథా కాదు. ప్రధాని మోదీ గారు కూడా మీ త్యాగాన్ని గుర్తించి, అమరావతి పునఃప్రారంభానికి విచ్చేశారు,” అని పవన్ చెప్పారు.
గత ఐదేళ్లలో 2 వేల మందికి పైగా రైతులు తీవ్ర విషాదంలో ప్రాణాలు కోల్పోయారని ఆయన పేర్కొన్నారు. “5 కోట్ల ఆంధ్రప్రదేశ్ ప్రజల తరఫున మేం మీకు రుణపడి ఉంటాం. మీ త్యాగాన్ని మేం ఎప్పటికీ మర్చిపోం. అమరావతి నిర్మాణం మీ ఆశల మేరకు జరుగుతుంది,” అని స్పష్టం చేశారు పవన్.
మరోవైపు, కశ్మీర్ పహల్గామ్‌లో ఉగ్రదాడిలో 27 మంది ప్రాణాలు కోల్పోవడాన్ని పవన్ తీవ్రంగా ఖండించారు. “ఇలాంటి విషాద సమయంలోనూ ప్రధాని మోదీ గారు అమరావతి రైతుల పిలుపుకు స్పందించి ఇక్కడికి రావడం మా అదృష్టం,” అని వ్యాఖ్యానించారు. భవానీ అమ్మ Prime Minister మోదీకి ధైర్యాన్ని కలిగించాలని ప్రార్థిస్తున్నామని తెలిపారు.
By
