ఢిల్లీలో నివసిస్తున్న అక్రమ విదేశీ పౌరులపై పోలీసులు కఠిన చర్యలు తీసుకుంటున్నారు. ఇటీవల కేంద్ర ప్రభుత్వం సూచించిన విధంగా, ఢిల్లీ పోలీసులు ఓటరు గుర్తింపు కార్డు లేదా పాస్‌పోర్ట్‌ను మాత్రమే భారతీయ పౌరసత్వ రుజువుగా పరిగణించనున్నారు. ఇకపై ఆధార్‌, పాన్‌, రేషన్ కార్డులు చెల్లవు.
గత ఏడాది నుండి కొనసాగుతున్న తనిఖీల్లో, బంగ్లాదేశ్, రోహింగ్యా పౌరులు నకిలీ ఆధార్‌, పాన్‌, రేషన్ కార్డులతో భారతీయులుగా మారుతున్నారని గుర్తించారు. కొంతమందికి UNHCR శరణార్థి కార్డులు ఉండటం వల్ల అసలైన పౌరులను గుర్తించడంలో సమస్యలు తలెత్తాయి. ఈ నేపథ్యంలో ఇకపై ఓటరు ID, పాస్‌పోర్ట్‌లను మాత్రమే చెల్లుబాటు అయ్యే పత్రాలుగా పరిగణించనున్నారు.
ఇకపోతే, ఢిల్లీలోని అన్ని జిల్లాల్లోని డీసీపీలకు అనుమానాస్పద విదేశీయులపై నిఘా పెంచాలని ఆదేశాలు జారీ చేశారు. ఇప్పటికే 3,500 మంది పాకిస్తానీ జాతీయులలో 400 మందికి పైగా వెనక్కి పంపించారు. మిగిలిన వారిపై గట్టి చర్యలు చేపట్టనున్నారు.
భారత ప్రభుత్వం పహల్గామ్ ఉగ్రదాడి అనంతరం, పాకిస్తానీ పౌరులకు వీసాల రద్దు ప్రక్రియ ప్రారంభించింది. ఏప్రిల్ 29 తర్వాత వైద్య వీసాలు కూడా చెల్లవు. దీర్ఘకాలిక, దౌత్య వీసాలకు మాత్రమే సడలింపు ఉంది. పాకిస్తానీ పౌరుల జాబితా తయారు చేసి వారిని భారత్ విడిచిపెట్టు నోటీసులు ఇస్తున్నారు.
ఈ చర్యల వల్ల దేశ భద్రత బలోపేతం అవుతుంది. కేంద్రం నిర్ణయించిన ఈ విధానం భవిష్యత్తులో ఇతర రాష్ట్రాల్లోనూ అమలవుతుంది.
By
