మామిడి పండు కేవలం రుచితోనే కాదు, పోషక విలువలతోనూ ప్రసిద్ధి చెందింది. ఇందులో ప్రోటీన్లు, కార్బోహైడ్రేట్లు, ఫైబర్, విటమిన్లు, మినరల్స్ పుష్కలంగా లభిస్తాయి. అయితే డయాబెటిస్ ఉన్నవారికి ఈ పండు తినొచ్చా? అనేది ఒక సాధారణ సందేహం.
వైద్య నిపుణుల ప్రకారం, మామిడి తినొచ్చు కానీ పరిమిత మోతాదులో మాత్రమే. మామిడిలోని మొత్తం కేలరీల్లో దాదాపు 90 శాతం చక్కెరల వల్లే ఏర్పడుతుంది. అందువల్ల అధికంగా తింటే షుగర్ లెవెల్ పెరగొచ్చు. అయితే గ్లైసెమిక్ ఇండెక్స్ తక్కువగా ఉండటం వల్ల మామిడి తిన్న వెంటనే షుగర్ లెవెల్ క్రమంగా పెరుగుతుంది, ఇది కొంత వరకూ మేలు చేస్తుంది.
రోజుకు ఒక చిన్న ముక్క లేదా చిన్న మామిడి పండుతో సరిపెట్టుకోవాలి. అలాగే మామిడి తిన్న తర్వాత బాదం, గట్టి పెరుగు, ఉడికించిన గుడ్డు వంటి ప్రోటీన్ పుష్కలంగా ఉన్న ఆహారం తీసుకోవాలి. ఇది రక్తంలో చక్కెర స్థాయిలను సమతుల్యం చేస్తుంది.
కాబట్టి, డయాబెటిస్ ఉన్నవారు మామిడిని పూర్తిగా మానేయాల్సిన అవసరం లేదు. మితంగా, సరిగా ప్రణాళికతో తీసుకుంటే ఇది ఆరోగ్యానికి మేలు చేస్తుంది.
గమనిక: ఇది వైద్యుల సూచనల ఆధారంగా తయారైన సాధారణ సమాచారం మాత్రమే. వ్యక్తిగత ఆరోగ్య పరిస్థితులపై నిర్ణయం తీసుకునే ముందు వైద్యులను సంప్రదించాలి.
By
