చిన్న సినిమాగా వచ్చి పెద్ద విజయాన్ని సాధించిన సినిమాల్లో మ్యాడ్ ఒక ప్రత్యేక గుర్తింపు పొందింది. దర్శకుడు కళ్యాణ్ శంకర్ రూపొందించిన ఈ యువతరానికి దగ్గరైన కామెడీ ఎంటర్టైనర్, ప్రేక్షకులను విశేషంగా అలరించింది. ఈ సినిమాలో సంగీత్ శోభన్, నార్ని నితిన్, రామ్ నితిన్ లు ముఖ్య పాత్రల్లో నటించారు.
ఈ విజయాన్ని బేస్‌గా తీసుకుని, సీక్వెల్‌గా వచ్చిన మ్యాడ్ స్క్వేర్ (MAD²) సినిమాకూ మంచి స్పందన లభించింది. అదే డైరెక్టర్ కళ్యాణ్ శంకర్ ఈ చిత్రాన్నీ రూపొందించారు. మార్చి 28న విడుదలైన ఈ మూవీ థియేటర్‌లో మంచి రన్ తీసుకుంది. ప్రేక్షకులు బాగా ఎంజాయ్ చేయడంతో, ఈ సినిమా ఏకంగా 70 కోట్ల రూపాయల వసూళ్లను రాబట్టింది.
ఇప్పుడు ఈ సినిమా ఓటీటీలోకి వచ్చేందుకు సిద్ధమవుతోంది. ప్రముఖ ఓటీటీ సంస్థ నెట్‌ఫ్లిక్స్, ఈ సినిమాను భారీ ధరకు కొనుగోలు చేసినట్లు సమాచారం. అయితే ఈ సినిమా స్ట్రీమింగ్ డేట్‌పై ఇంకా అధికారిక ప్రకటన రాలేదు. అనధికార సమాచారం ప్రకారం, ఏప్రిల్ 25 నుండి నెట్‌ఫ్లిక్స్‌లో స్ట్రీమింగ్‌కు వచ్చే అవకాశం ఉందని వినిపిస్తోంది.
ఇంకా ఒక విశేషం ఏమిటంటే, తెలుగుతో పాటు తమిళ్, కన్నడ, మలయాళ, హిందీ భాషల్లో కూడా మ్యాడ్ స్క్వేర్ స్ట్రీమింగ్ కాబోతోంది. ఇప్పటికే ఈ సినిమాలోని “లడ్డుగాని పెళ్లి”, “స్వాతి రెడ్డి” పాటలు యూత్‌లో భారీగా పాపులర్ అయ్యాయి. ఒక్కొక్క వీడియో సాంగ్ విడుదలవుతున్న కొద్దీ, ఓటీటీలో సినిమా విడుదలపై ఆసక్తి మరింత పెరుగుతోంది.
సడెన్‌గా ఈ సినిమా ఓటీటీలోకి వస్తుందని సోషల్ మీడియాలో కొన్ని అంచనాలు వెలువడుతున్నా, అధికారికంగా నెట్‌ఫ్లిక్స్ నుంచి ఇంకా క్లారిటీ రావాల్సి ఉంది. ఫ్యాన్స్ మాత్రం ఎప్పుడెప్పుడా అని ఎదురుచూస్తున్నారు!
By
