చిన్న స్వామిలో కేఎల్ రాహుల్ విశ్వరూపం: ఢిల్లీ విజయానికి కీర్తిపతాకం…!!

ఐపీఎల్ 2025 సీజన్‌ లో భాగంగా గురువారం బెంగళూరులోని చిన్న స్వామి స్టేడియం వేదికగా జరిగిన మ్యాచ్‌లో ఢిల్లీ క్యాపిటల్స్‌ ఘన విజయం సాధించింది. రాయల్ ఛాలెంజర్స్ బెంగళూరు (RCB)పై 6 వికెట్ల తేడాతో గెలిచిన ఈ మ్యాచ్‌లో కేఎల్ రాహుల్ మెరుపు ఇన్నింగ్స్‌తో ప్రేక్షకులను మంత్రముగ్ధుల్ని చేశాడు.

ఈ మ్యాచ్‌లో టాస్ గెలిచిన బెంగళూరు బ్యాటింగ్ ఎంచుకుని 20 ఓవర్లలో 162 పరుగులు చేసింది. ఢిల్లీ బౌలింగ్ దళం మెరుగైన ప్రదర్శన ఇచ్చింది. లక్ష్య ఛేదనలో ఢిల్లీ క్యాపిటల్స్‌ బ్యాటర్ కేఎల్‌ రాహుల్ ఒంటరిగా పోరాడుతూ విజయం వైపు జట్టును నడిపించాడు. అతను 53 బంతుల్లో 7 ఫోర్లు, 6 సిక్సర్లతో 93 పరుగులు చేసి ‘వన్ మ్యాన్ షో’ అని చెప్పుకోవచ్చు. అతని ఆగెరేపిన బ్యాటింగ్‌తో ఢిల్లీ కేవలం 17.5 ఓవర్లలోనే లక్ష్యాన్ని ఛేదించింది.

మ్యాచ్ ముగిసిన తర్వాత చిన్న స్వామి స్టేడియం నా అడ్డా అన్నట్లు చేసిన సెలబ్రేషన్స్‌ సోషల్ మీడియాలో వైరల్ అయ్యాయి. రాహుల్ కర్ణాటకకు చెందిన వ్యక్తి కావడం వల్ల ఈ పిచ్‌పై ఆట అతనికి బాగా అనుకూలించింది. చిన్న స్వామి పిచ్ లక్షణాలు అతనికి తెలుసు కాబట్టి, ఆ అనుభవంతో అదరగొట్టాడు.

మ్యాచ్ అనంతరం రాహుల్ మాట్లాడుతూ, “పిచ్ కొంచెం ట్రికీగా ఉన్నా, వికెట్ కీపింగ్ చేస్తూ గమనించాను. బాల్‌ స్టబుల్‌గా బౌన్స్ అయ్యింది. దాన్ని బట్టి షాట్లు ఎక్కడ వేయాలో నిర్ణయించుకున్నాను. తొలిలో దూకుడుగా ఆడాను, తర్వాత పరిస్థితిని అంచనా వేసుకున్నాను” అని వెల్లడించాడు.

రాహుల్ ఇన్నింగ్స్‌పై అభిమానులు, క్రికెట్ విశ్లేషకులు ప్రశంసల వర్షం కురిపించారు. చిన్న స్వామి స్టేడియంలో అతను చూపిన ఆటతీరు, స్టేడియంతో అతనికి ఉన్న అనుబంధాన్ని సూచిస్తుంది.