ఆంధ్రప్రదేశ్ డిప్యూటీ సీఎం పవన్ కళ్యాణ్ చిన్న కుమారుడు మార్క్ శంకర్ ఇటీవల సింగపూర్‌లో జరిగిన ఒక అగ్నిప్రమాదంలో చిక్కుకున్నాడు. సింగపూర్‌లోని ఓ స్కూల్‌లో ప్రమాదవశాత్తూ అగ్నికీలలు వ్యాపించాయి. ఈ సమయంలో మార్క్ అక్కడే ఉండటంతో అతను స్వల్పంగా గాయాలపాలయ్యాడు. ముఖ్యంగా చేతులు, కాళ్ళకు కాలిన గాయాలు, అలాగే పొగ ఊపిరితిత్తుల్లోకి వెళ్లడం వల్ల శ్వాస సమస్యలు ఏర్పడ్డాయి. దీంతో వెంటనే అత్యవసర చికిత్స అందించారు.
విషయం తెలిసిన వెంటనే పవన్ కళ్యాణ్ విశాఖపట్నం నుంచి నేరుగా సింగపూర్‌కి వెళ్లగా, మెగాస్టార్ చిరంజీవి కూడా భార్య సురేఖతో కలిసి అక్కడికి చేరుకున్నారు. వారు సింగపూర్ ఆసుపత్రిలో మార్క్‌ను పరామర్శించారు. ప్రస్తుతం మార్క్ శంకర్ ఆరోగ్య పరిస్థితి స్థిరంగా ఉండడంతో అభిమానుల్లో ఉల్లాసం నెలకొంది.
ఈ ప్రమాదం గురించి తెలుసుకున్న సినీ, రాజకీయ ప్రముఖులు సోషల్ మీడియా వేదికగా స్పందిస్తూ మార్క్ త్వరగా కోలుకోవాలని ఆకాంక్షించారు. ప్రస్తుతం మార్క్‌ను ఎమర్జెన్సీ వార్డు నుంచి సాధారణ వార్డుకు మారుస్తూ చికిత్స కొనసాగిస్తున్నారు. స్కూల్‌లో జరిగిన ప్రమాదానికి సంబంధించిన వీడియోలు వైరల్‌గా మారాయి. ఈ వీడియోల్లో సిబ్బంది విద్యార్థులను ఎలా రక్షించారో చూడవచ్చు.
పవన్ కళ్యాణ్ మీడియాతో మాట్లాడుతూ, “మార్క్ త్వరగా కోలుకుంటున్నాడు. చిన్న గాయాలే అయ్యాయి. అభిమానుల ప్రార్థనలు, ప్రేమకు ధన్యవాదాలు” అని చెప్పారు. ఈ సంఘటనతో పవన్ ఫ్యామిలీకి మద్దతుగా అభిమానులు నిలిచారు.
By
