ఇటీవల ‘దేవర’ సినిమాతో బ్లాక్బస్టర్ విజయాన్ని అందుకున్న యంగ్ టైగర్ ఎన్టీఆర్, ప్రస్తుతం భారీ అంచనాల మధ్య రూపొందుతున్న *’వార్ 2’*లో నటిస్తున్నారు. అయాన్ ముఖర్జీ దర్శకత్వం వహిస్తున్న ఈ స్పై యాక్షన్ థ్రిల్లర్ చిత్రంలో బాలీవుడ్ స్టార్ హృతిక్ రోషన్ కూడా ముఖ్యపాత్రలో కనిపించనున్నాడు. పాన్ ఇండియా మూవీ లవర్స్ ఈ చిత్రాన్ని ఎంతో ఆసక్తిగా ఎదురుచూస్తున్నారు.
ఇక ఇటీవల థియేటర్లలో నిరీక్షణ లేకుండా విడుదలై సూపర్ హిట్ సాధించిన చిత్రాల్లో ‘మ్యాడ్ స్క్వైర్’ ఒకటి. యంగ్ హీరోస్ నార్నె నితిన్, సంగీత్ శోభన్, రామ్ నితిన్, విష్ణు ప్రధాన పాత్రల్లో నటించిన ఈ చిత్రానికి ప్రేక్షకుల నుంచి విశేష స్పందన వస్తోంది. గతంలో వచ్చిన సూపర్ హిట్ మూవీ మ్యాడ్కి ఇది సీక్వెల్. కళ్యాణ్ శంకర్ దర్శకత్వం వహించిన ఈ చిత్రం మార్చి 28న విడుదలై ఘనవిజయం సాధించింది.
ఈ సందర్భంగా చిత్రయూనిట్ హైదరాబాద్లోని శిల్పకళా వేదికలో మ్యాడ్ స్క్వైర్ సక్సెస్ సెలబ్రేషన్ నిర్వహించింది. ఈ వేడుకకు ముఖ్య అతిథిగా యంగ్ టైగర్ ఎన్టీఆర్ హాజరై, సందడి చేశారు. ఆయన మ్యాడ్ టీం గురించి మాట్లాడుతూ, వారి ప్రతిభను ప్రశంసించారు.
ఎన్టీఆర్ మాట్లాడుతూ –
“నవ్వించడం ఒక గొప్ప వరం. మనల్ని నవ్వించేందుకు కళ్యాణ్ శంకర్ లాంటి దర్శకుడు దొరకడం అదృష్టం. ఈ సినిమాలో లడ్డు (విష్ణు) లేకపోతే హిట్ అయ్యేది కాదు. నార్నె నితిన్, రామ్ నితిన్, సంగీత్ శోభన్ కూడా అద్భుతంగా నటించారు. ‘దేవర’ సినిమాను అభిమానించి, భుజాలపై మోసినందుకు ధన్యవాదాలు. ‘దేవర 2’ ఉండదని అనుకునేవారికి చెబుతున్నా – ఆ సినిమా ఖచ్చితంగా వస్తుంది. మధ్యలో విరామం తీసుకున్నాం, ఎందుకంటే ప్రశాంత్ నీల్ ప్రాజెక్ట్ వచ్చింది. త్వరలో నాగవంశీతో మరో సినిమా చేయబోతున్నాం. ఆ సినిమాను స్టార్ట్ చేసిన వెంటనే ఫ్యాన్స్ అందరినీ హ్యాండిల్ చేయమని వదిలేస్తా,” అని పేర్కొన్నారు.
అలాగే అదుర్స్ 2 గురించి మాట్లాడుతూ –
“కామెడీ చేయడం ఒక్క యాక్టర్కి చాలా కష్టం. అందుకే అదుర్స్ 2 చేయాలనే ఆలోచనలో ఉన్నాను” అని ఎన్టీఆర్ తెలిపారు. గతంలో వివి వినాయక్ దర్శకత్వంలో వచ్చిన అదుర్స్ చిత్రం పెద్ద విజయం సాధించింది. అందుకే దీని సీక్వెల్పై అభిమానుల్లో భారీ ఆసక్తి నెలకొంది. మొదటి భాగంలో నయనతార, షీలా హీరోయిన్లుగా నటించారు.
By
