వేసవిలో చెరకు రసం తాగడం వల్ల కలిగే అద్భుతమైన ప్రయోజనాలు..

చెరకు రసం తాగడం వల్ల అనేక ఆరోగ్య ప్రయోజనాలు ఉన్నాయి. ఇది శరీరానికి చల్లదనాన్ని అందించడంతో పాటు, తక్షణ శక్తిని అందిస్తుంది. అలసటను తగ్గించి, మానసిక స్థితిని మెరుగుపరిచే శక్తి చెరకు రసానికి ఉంది. ఆరోగ్య నిపుణుల ప్రకారం, వారానికి కనీసం ఒక గ్లాస్ చెరకు రసం తాగడం వల్ల శరీరానికి ఎంతో మేలు జరుగుతుంది.

చెరకు రసంలోని పోషకాలు

ఈ రసంలో కార్బోహైడ్రేట్లు, ప్రొటీన్లు అధికంగా ఉంటాయి. అలాగే, ఐరన్, మెగ్నీషియం, కాల్షియం, ఇతర ముఖ్యమైన ఎలక్ట్రోలైట్‌లు కూడా చెరకు రసంలో లభిస్తాయి. ఒక గ్లాస్ చెరకు రసంలో సుమారు 13 గ్రాముల ఫైబర్, 183 కేలరీలు, 50 గ్రాముల చక్కెర ఉంటాయి.

శరీర హైడ్రేషన్ & ఎలక్ట్రోలైట్ బ్యాలెన్స్

చెరకు రసంలో ఉన్న పొటాషియం శరీర హైడ్రేషన్‌కు చాలా మేలుగా పనిచేస్తుంది. వేసవిలో చెరకు రసం తాగడం ద్వారా శరీరంలో నీటి శాతం తగ్గకుండా ఉండేలా చూసుకోవచ్చు. ముఖ్యంగా వ్యాయామం చేసిన తర్వాత చెరకు రసం తాగడం వల్ల అలసట నుంచి త్వరగా కోలుకోవచ్చు.

రోగనిరోధక శక్తి పెంపు

చెరకు రసంలో ఫినాలిక్, ఫ్లేవనాయిడ్ యాంటీఆక్సిడెంట్లు సమృద్ధిగా ఉంటాయి. ఇవి శరీర రోగనిరోధక శక్తిని పెంచడంలో సహాయపడతాయి. చెరకు రసం తాగడం వల్ల ఇన్ఫెక్షన్లు తగ్గుతాయి మరియు క్యాన్సర్ వంటి వ్యాధులను నివారించగలదు.

కాలేయం ఆరోగ్యంగా ఉండటానికి సహాయపడుతుంది

చెరకు రసంలోని పోటాషియం శరీర ఎలక్ట్రోలైట్ స్థాయిలను సమతుల్యం చేయడంలో సహాయపడుతుంది. కాలేయం సక్రమంగా పనిచేయడానికి కూడా ఇది ఉపయోగపడుతుంది.

మలబద్ధకం నివారణ & మూత్రపిండాల ఆరోగ్యం

చెరకు రసంలో ఫైబర్ కొద్దిగా తక్కువగా ఉన్నప్పటికీ, ఇది మలబద్ధకాన్ని నివారించడంలో సహాయపడుతుంది. దీనిలో కొలెస్ట్రాల్, సోడియం లేకపోవడం వల్ల మూత్రపిండాలు ఆరోగ్యంగా ఉంటాయి. మూత్ర విసర్జనకు ఇది సహాయపడుతుంది.

డయాబెటిస్ ఉన్నవారు జాగ్రత్త

చెరకు రసంలో చక్కెర పరిమాణం అధికంగా ఉండటం వల్ల షుగర్ ఉన్నవారు దీన్ని తాగకుండా ఉండటం మంచిది. అకస్మాత్తుగా రక్తంలో చక్కెర స్థాయిలు పెరిగే అవకాశం ఉంటుంది.

గమనిక:
ఈ సమాచారం కేవలం అవగాహన కోసం మాత్రమే. మీ ఆరోగ్య పరిస్థితిని బట్టి, చెరకు రసం తాగడం మంచిదా కాదా అనే విషయాన్ని డాక్టర్‌ను సంప్రదించి తెలుసుకోవడం మంచిది.