మాఘ పూర్ణిమ ప్రత్యేకం: మహా కుంభమేళాలో పూల వర్షం, పరవశమైన భక్తులు
ఇవాళ మాఘ పూర్ణిమ ఒక గొప్ప పుణ్యదినంగా భావించబడటంతో మహా కుంభమేళా మరింత వైభవంగా జరిగింది. ఉత్తరప్రదేశ్ ముఖ్యమంత్రి యోగి ఆదిత్యనాథ్ లక్నో నుంచి ఈ మహా కుంభమేళా ఏర్పాట్లను పర్యవేక్షిస్తున్నారు. బుధవారం తెల్లవారుజామున ప్రయాగ్‌రాజ్‌లోని త్రివేణి సంగమం వద్ద లక్షలాది మంది భక్తులు పవిత్ర స్నానం ఆచరించారు.
మాఘ పూర్ణిమను పురస్కరించుకుని భక్తుల రద్దీ భారీగా పెరిగింది. రాత్రి నుంచే భక్తులు త్రివేణి సంగమం చేరుకోవడం ప్రారంభించారు. బుధవారం ఉదయం నుంచి ఈ పవిత్ర స్నానాలు అట్టహాసంగా జరుగుతున్నాయి. అధికారుల అంచనాలకు మించి భక్తులు తరలివస్తున్నారు.
త్రివేణి సంగమంలో పూల వర్షం
మాఘ పూర్ణిమ సందర్భంగా త్రివేణీ సంగమంలో ఓ అద్భుత ఘట్టం చోటుచేసుకుంది. హెలీఫ్యాడ్ సహాయంతో అధికారులు భక్తులపై పూల వర్షాన్ని కురిపించారు. ఈ అపురూపమైన దృశ్యం భక్తులను పరవశింపజేసింది.
కల్పవాస ముగింపు
మాఘ పూర్ణిమతో కల్పవాసాలు ముగుస్తాయి. నెల రోజులుగా త్రివేణి సంగమం వద్ద తపస్సు చేస్తున్న దాదాపు 10 లక్షల మంది కల్పవాసులు మహా కుంభమేళా నుంచి నిష్క్రమించడం ప్రారంభించారు. అధికారులు ట్రాఫిక్ నియమాలను పాటించాలని, భక్తులు అధికారం కలిగిన పార్కింగ్ స్థలాలను మాత్రమే ఉపయోగించాలని సూచించారు.
మహా కుంభమేళా ఈ సారి విశేష భక్తి ఉత్సాహంతో కొనసాగుతుండగా, మాఘ పూర్ణిమ ప్రత్యేకత భక్తులకు మరింత ఆధ్యాత్మిక అనుభూతిని కలిగించింది.
By
