అయోధ్య: ఒక లక్ష్యాన్ని నిర్దేశించుకుంటే దానిని సాధించి తీరాలి. ఈ వాక్యాన్ని ఆరేళ్ల పిల్లాడు నిరూపించాడు. ఈ చిన్నారి పంజాబ్ నుండి పరుగెత్తుకుంటూ అయోధ్యకు చేరుకున్నాడు. ఈ సందర్భంగా సీఎం యోగి వేదికపై ఈ చిన్నారిని సత్కరించి, అతనికి మొబైల్ ఫోన్‌ను బహుమతిగా ఇచ్చారు. ఈ సందర్భంగా, సిఎం యోగి అయోధ్యలో రాముని చిత్రపటానికి పూలమాలలు వేశారు. వేదికపై మేయర్ మహంత్ గిరీష్ పాటి త్రిపాఠి, ముఖ్యమంత్రి సలహాదారు అవనీష్ అవస్థి కూడా ఉన్నారు.
ప్రతిరోజూ 1.5 నుంచి 2 లక్షల మంది భక్తులు అయోధ్యకు వస్తున్నారని సీఎం యోగి అన్నారు. దేశంలోనే తొలి సౌర నగరమైన అయోధ్యను నిర్మించామని సీఎం తెలిపారు. సూర్యవంశీయుల అయోధ్యను సూర్యుడు నడుపుతున్నాడు. ఇదంతా అయోధ్యలో ఒక రోజులో జరగలేదు, కానీ దానికోసం తమ జీవితాలను అంకితం చేసిన సాధువుల సుదీర్ఘ పోరాటంతోనే ఇది సాధ్య‌మ‌య్యింద‌న్నారు.
రామ భక్తులు, కరసేవకులు, సాధువులకు మనం రుణపడి ఉన్నామని సీఎం యోగి అన్నారు. ఈరోజు మాట్లాడటానికి నా దగ్గర మాటలు లేవు. ఆ ఉద్యమాన్ని గుర్తుచేసుకుని భావోద్వేగానికి లోన‌వుతున్నాను. కానీ మనమందరం అదృష్టవంతులం. ఈ ఆలయం నిర్మాణాన్ని మనం చూశాం. నా గౌరవనీయ గురూజీ అశోక్ జీ తన చివరి క్షణాల్లో రామజన్మభూమిలో ఆలయం నిర్మిస్తారా? అని అడిగారు. ఈరోజు ఎవరైనా అయోధ్యకు వచ్చినప్పుడు ఆయ‌న తనకు ఈ ప్రాంతం త్రేతా యుగాన్ని గుర్తు చేస్తున్న‌ద‌ని అంటారు. ఒకటి నుండి రెండు సంవత్సరాలలో ఆలయ సముదాయం పనులు పూర్తవుతాయిని అప్పుడు అయోధ్య ప్రపంచంలోనే అత్యంత అందమైన నగరంగా మారుతుంద‌ని సీఎం యోగి అన్నారు.
By
