సుప్రీంకోర్టులో మోహన్ బాబుకు స్వల్ప ఊరట: జర్నలిస్టు పై దాడి కేసులో ముందస్తు బెయిల్
సీనియర్ టాలీవుడ్ నటుడు మోహన్ బాబుకు సుప్రీంకోర్టులో స్వల్ప ఊరట లభించింది. ఇటీవల, ఆయన జర్నలిస్టు పై దాడి కేసులో ముందస్తు బెయిల్ కోసమై సుప్రీంకోర్టులో పిటిషన్ దాఖలు చేశారు. ఈ కేసు పై విచారణ చేపట్టిన న్యాయస్థానం, తదుపరి ఉత్తర్వులు వెలువడే వరకు మోహన్ బాబుపై ఎటువంటి కఠిన చర్యలు తీసుకోకూడదని ఆదేశించింది.
తదుపరి విచారణకు 4 వారాల వాయిదా:
సుప్రీంకోర్టు ఈ కేసును నాలుగు వారాల తరువాత విచారించేందుకు వాయిదా వేసింది. ఈ పిటిషన్ పై న్యాయమూర్తులు జస్టిస్ సుధాంశు దులియా మరియు జస్టిస్ ప్రశాంత్ కుమార్ మిశ్రా విచారణ జరిపారు. వారి వాదనలను తీసుకొని, సుప్రీంకోర్టు తదుపరి ఉత్తర్వుల వరకు మోహన్ బాబుపై ఏమైనా చర్యలు తీసుకోకుండా ఆదేశించింది.
మోహన్ బాబు తరపు న్యాయవాది వాదనలు:
మోహన్ బాబుకు జరిగిన ఈ సంఘటన తన కొడుకుతో జరిగిన గొడవ సమయంలో జరిగిందని, దాడి కేవలం ఆవేశంలో జరిగినదని ఆయన తరపు న్యాయవాది ముకుల్ రోహిత్గి వాదనలు వినిపించారు. మోహన్ బాబు, జర్నలిస్టులపై క్షమాపణ చెప్పారని, నష్టపరిహారం చెల్లించేందుకు సిద్ధంగా ఉన్నట్లు చెప్పారు.
జర్నలిస్టు తరపు న్యాయవాది వాదనలు:
రంజిత్ అనే జర్నలిస్టుపై మోహన్ బాబు దాడి చేసిన విషయం పై, అతడి శరీరంపై తీవ్రమైన గాయాలు ఏర్పడినట్టు, ఆసుపత్రిలో 5 రోజులు చికిత్స తీసుకున్న రంజిత్ ప్రస్తుతం పైప్ ద్వారానే ఆహారం తీసుకుంటున్నారని, ఇతని కెరీర్ కు నష్టం జరిగినట్లు జర్నలిస్టు తరపు న్యాయవాది వివరించారు.
సుప్రీంకోర్టు విచారణ:
సుప్రీంకోర్టు ఈ కేసులో, మోహన్ బాబును జైలుకు పంపాలా లేదా నష్టపరిహారం ఇవ్వాలా అని ప్రశ్నించనుంది. ఈ విచారణలో, ప్రతివాదులు తమ కౌంటర్లో అన్ని విషయాలు స్పష్టం చేయాలని సూచించింది.
By
