తెలంగాణ అసెంబ్లీ తీర్మానం
తెలంగాణ అసెంబ్లీలో మాజీ ప్రధాని డాక్టర్ మన్మోహన్ సింగ్‌కు ఘన నివాళులు అర్పించారు. ఈ నెల 26న కన్నుమూసిన ఆయన సేవలను గుర్తు చేస్తూ సోమవారం ప్రత్యేక సమావేశం నిర్వహించారు. ఈ సందర్భంగా సీఎమ్ రేవంత్ రెడ్డి సంతాప తీర్మానం ప్రవేశపెట్టారు. మన్మోహన్ సింగ్ తీసుకువచ్చిన చట్టాలు, ఆయన ఆర్థిక కృషి గురించి సభలో ప్రత్యేకంగా ప్రస్తావించారు.
సీఎం రేవంత్ రెడ్డి మాట్లాడుతూ, “దేశాన్ని ప్రపంచంతో పోటీపడే స్థాయికి తీసుకెళ్లిన గొప్ప ఆర్థికవేత్త మన్మోహన్ సింగ్. తెలంగాణకు ఆయనతో ఉన్న బంధం ఎప్పటికీ మరిచిపోలేనిది. ఫైనాన్షియల్ డిస్ట్రిక్ట్‌లో ఆయన విగ్రహం ఏర్పాటు చేస్తాం,” అని అన్నారు.
భారత రత్నకు సిఫార్సు
తెలంగాణ అసెంబ్లీ, మాజీ ప్రధానికి భారత రత్న పురస్కారం ఇవ్వాలని తీర్మానం చేసింది. ఈ ప్రస్తావనకు బీఆర్ఎస్ మద్దతు తెలుపుతూ, పీవీ నరసింహారావు మెమోరియల్‌ను ఢిల్లీలో ఏర్పాటు చేయాలని కేటీఆర్ సూచించారు.
ముఖ్య చట్టాలు & సేవలు
సభలో ఉపాధి హామీ చట్టం, ఆర్‌టీఐ చట్టం, ఆధార్ మరియు ఆంధ్రప్రదేశ్ పునర్విభజన చట్టాలపై చర్చ జరిగింది. కరోనా సమయంలో ఉపాధి హామీ పథకం ఎంతగానో ఉపయోగపడిందని డిప్యూటీ సీఎం భట్టి విక్రమార్క పేర్కొన్నారు.
మూకుమ్మడి మద్దతు
కేటీఆర్ మాట్లాడుతూ, “మన్మోహన్ సింగ్ నిరాడంబర నేత, నిజాయితీ గల నాయకుడు. పీవీ నరసింహారావు మన్మోహన్ ప్రతిభను గుర్తించిన Telangana బిడ్డ. ఆయన కేబినెట్‌లో కేసీఆర్ మంత్రిగా సేవలందించారు,” అని అన్నారు.
ప్రత్యేక అభ్యర్థన
తెలంగాణ ప్రభుత్వం చేసిన తీర్మానంతో మన్మోహన్ సింగ్ సేవలు మరింత వెలుగులోకి వచ్చాయి. రాష్ట్ర ప్రజలు ఆయనకు ఎప్పుడూ రుణపడి ఉంటారని సీఎం రేవంత్ అన్నారు.
By
