ప‌వ‌న్ కోసం ప్ర‌పంచంలో అంత‌మంది వెదికారా?

కొద్ది రోజుల్లో 2024కు గుడ్ బై చెప్పేసి 2025కు వెల్కమ్ చెప్పబోతున్నాం. ఈ ఏడాది ప్రపంచవ్యాప్తంగా అనేక సంఘటనలు జరిగాయి. సినిమా ఇండస్ట్రీలో కూడా ఎన్నో వింతలు, విశేషాలు జరిగాయి. ఈ ఏడాది ఎక్కువ మంది సెర్చ్ చేసిన నటులు, నటీమణుల జాబితాను గూగుల్ విడుదల చేసింది. విశేషమేమిటంటే.. ఈ ఏడాది ప్రపంచంలో అత్యధికంగా సెర్చ్ చేసిన నటుల జాబితాలో హీరో టాలీవుడ్ టాప్ 2లో ఉన్నారు. ఆయనే పవన్ కళ్యాణ్. గూగుల్ విడుదల చేసిన జాబితాలో ఈ ఏడాది ఎక్కువ మంది సర్చ్ చేసిన నటుల్లో పవన్ రెండో స్థానంలో నిలిచారు.

జనసేన పార్టీని స్థాపించిన పవన్ కళ్యాణ్ ఈసారి ఆంధ్రా అసెంబ్లీ ఎన్నికల్లో జోరుగా ప్రచారం చేశారు. ఎన్నికల వరకు రోజూ వార్తల్లో నిలిచారు పవన్ కళ్యాణ్.. ఎన్నికల ఫలితాల తర్వాత గెలిచి ఆంధ్రప్రదేశ్ డీసీఎం అయ్యి మళ్లీ వార్తల్లో నిలిచారు. దాంతో చాలా మంది గూగుల్‌లో పవన్ కళ్యాణ్ గురించి రెగ్యులర్‌గా సెర్చ్ చేశారు, ఇప్పుడు ఆ లిస్ట్‌లో పవన్ కళ్యాణ్ రెండవ స్థానంలో ఉన్నారు. గ్లోబల్ లిస్ట్‌లో మరో ఇద్దరు భారతీయ నటీమణులు ఉన్నారు. ఈ జాబితాలో నటి హీనా ఖాన్ పేరు ఐదో స్థానంలో ఉంది. హినా ఖాన్ బ్రెస్ట్ క్యాన్సర్‌తో బాధపడుతోంది. దాంతో ఆమె ఇటీవల వార్తల్లో నిలిచారు. దస్వీ’, ‘ఎయిర్‌లిఫ్ట్‌’ సహా పలు సినిమాల్లో నటించిన నిమ్రత్ కౌర్ కూడా అత్యధికంగా సెర్చ్ చేసిన జాబితాలో ఎనిమిదో స్థానంలో ఉంది. ఐశ్వర్యరాయ్, అభిషేక్ బచ్చన్ విడాకులు తీసుకుంటున్నారని, ఈ విడాకులకు నిమ్రత్ కౌర్ కారణమని పుకార్లు వచ్చాయి.