న్యూఢిల్లీ: ఒకే దేశం ఒకే ఎన్నికలు ప్రతిపాదనకు కేంద్ర మంత్రివర్గం ఆమోదం తెలిపింది. ప్రస్తుత శీతాకాల సమావేశాల్లోనే ఈ బిల్లును పార్లమెంట్‌లో ప్రవేశపెట్టవచ్చని విశ్వసనీయ వర్గాలు తెలిపాయి. ఈ బిల్లుకు సంబంధించి అన్ని రాజకీయ పార్టీల సూచనలను స్వీకరించ‌నున్నారు. ఆ తర్వాత పార్లమెంటు ఆమోదం పొంద‌నుంది.
గతంలో రాష్ట్రపతి రామ్నాథ్ కోవింద్ నేతృత్వంలోని కమిటీ ఒకే దేశం ఒకే ఎన్నికకు సంబంధించిన నివేదికను ప్రభుత్వానికి సమర్పించింది. న్యాయ మంత్రి కేబినెట్‌లో ఒక దేశం ఒకే ఎన్నికను ప్రతిపాదించారు. ఈ ప్రతిపాదనపై కేంద్ర హోంమంత్రి అమిత్ షా వివరణాత్మక సమాచారం ఇచ్చారు. ఒకే దేశం, ఒకే ఎన్నికలు కింద లోక్‌సభ, అసెంబ్లీ ఎన్నికలు ఒకేసారి జరగనున్నాయి. తొలి దశలో లోక్‌సభ, రాజ్యసభ ఎన్నికలను ఒకేసారి నిర్వహించాలని రామ్నాథ్ కోవింద్ నేతృత్వంలోని కమిటీ నివేదిక సూచించింది. లోక్‌సభ, రాజ్యసభ ఎన్నికలు ఒకేసారి జరిగిన అనంతరం 100 రోజుల్లో స్థానిక సంస్థల ఎన్నికలు నిర్వహించాలని కమిటీ సిఫార్సు చేసింది.
ప్రధాని మోదీ చాలా కాలంగా ఒకే దేశం, ఒకే ఎన్నికలు అనే మాట వినిపిస్తున్నారు. అలాగే ఎన్నికల ఖర్చు తగ్గించాల‌ని, పరిపాలనా యంత్రాంగంపై భారం పెరగకూడద‌ని, ఒకే దేశం, ఒకే ఎన్నికలు అంటే భారతదేశంలోని అన్ని రాష్ట్రాల లోక్‌సభ, అసెంబ్లీ ఎన్నికలు ఒకేసారి జరగాలని ప్రధాని మోదీ పేర్కొన్నారు. ఒక దేశం ఒకే ఎన్నికలు భారతదేశానికి కొత్త కాన్సెప్ట్ కాదు. దేశంలో స్వాతంత్య్రం వచ్చినప్పటి నుంచి 1967 వరకు లోక్‌సభ, అసెంబ్లీ ఎన్నికలు ఒకేసారి జరిగాయి. 1952, 1957, 1962, 1967లో లోక్‌సభ, అసెంబ్లీ ఎన్నికలు ఒకేసారి జరిగాయి, అయితే రాష్ట్రాల పునర్వ్యవస్థీకరణ, ఇతర కారణాల వల్ల, వేర్వేరు సమయాల్లో ఎన్నికలు జరగడం మొద‌ల‌య్యింది.
By
