సినీ ప్రపంచంలో అత్యంత ప్రతిష్టాత్మకంగా భావించే ఆస్కార్ అవార్డుల 97వ ప్రధానోత్సవం అట్టహాసంగా ప్రారంభమైంది. హాలీవుడ్ సినీతారలు ప్రత్యేకమైన ట్రెండీ దుస్తుల్లో మెరిసిపోయారు. ఈ వేడుకకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.
ఈ వేడుక లాస్ ఏంజెల్స్‌లోని డాల్బీ థియేటర్ లో అంగరంగ వైభవంగా జరిగింది. ఆస్కార్ నామినేషన్లలో “ఎమిలియా పెరెజ్” 13 నామినేషన్లతో అగ్రస్థానంలో ఉంది. ఈసారి ఉత్తమ చిత్రం నామినీల్లో పోటీ పడుతున్న చిత్రాలు:
అనోరా , ది బ్రూటలిస్ట్, ఎ కంప్లీట్ అన్ నోన్, కాన్‌క్లేవ్, డ్యూన్: పార్ట్ టూ, ఎమిలియా పెరెజ్, ఐ యామ్ స్టిల్ హియర , నికెల్ బాయ్స్, ది సబ్‌స్టాన్స్ , వికెడ్
ఈ వేడుక ప్రపంచవ్యాప్తంగా 200కిపైగా దేశాల్లో ప్రత్యక్ష ప్రసారం అవుతోంది. భారతదేశంలో ఈ వేడుక జియో హాట్‌స్టార్‌లో ప్రత్యక్ష ప్రసారం చేయబడింది.
ఆస్కార్ వేడుకలో ప్రత్యేక హైలైట్స్
ఈసారి ఆస్కార్ వేడుకను ప్రముఖ లేట్ నైట్ హోస్ట్ కోనన్ ఓ’బ్రెయిన్ తొలిసారిగా హోస్ట్ చేశారు.
ఆస్కార్ వేదికపై కోనన్ స్పానిష్, హిందీ, మాండరిన్ భాషల్లో మాట్లాడారు.
ప్రముఖ నటుడు ఆడమ్ శాండ్లర్ తన హూడీ, బాస్కెట్‌బాల్ షార్ట్స్‌తో అందరి దృష్టిని ఆకర్షించారు.
ఆస్కార్ 2025 విజేతల జాబితా
ఉత్తమ సహాయ నటుడు – కీరన్‌ కైల్‌ కల్కిన్‌ (ది రియల్ పెయిన్‌)
ఉత్తమ డాక్యుమెంటరీ ఫీచర్ – నో అదర్ ల్యాండ్
ఉత్తమ డాక్యుమెంటరీ షార్ట్ ఫిల్మ్ – ది ఓన్లీ గర్ల్ ఇన్ ది ఆర్కెస్ట్రా
ఉత్తమ ఒరిజినల్ సాంగ్ – ఎమిలియా పెరెజ్ పాట “ఎల్ మాల్”
ఉత్తమ ప్రొడక్షన్ డిజైన్ – వికెడ్
ఉత్తమ సహాయ నటి – జోయ్ సల్దానా (ఎమిలియా పెరెజ్)
ఉత్తమ ఎడిటింగ్ – అనోరా
ఉత్తమ మేకప్ – ది సబ్‌స్టాన్స్
ఉత్తమ అడాప్టెడ్ స్క్రీన్‌ప్లే – పీటర్ స్ట్రాఘన్ (కాన్‌క్లేవ్ )
ఉత్తమ ఒరిజినల్ స్క్రీన్‌ప్లే – సీన్ బేకర్ (అనోరా )
ఉత్తమ కాస్ట్యూమ్ – వికెడ్
ఉత్తమ యానిమేటెడ్ షార్ట్ – ఇన్ ది షాడో ఆఫ్ ది సైప్రస్
ఉత్తమ యానిమేటెడ్ ఫీచర్ – లాట్వియన్ చిత్రం “ఫ్లో”
ఈసారి ఆస్కార్ వేడుక అత్యంత ప్రత్యేకంగా సాగింది. అనోరా, ఎమిలియా పెరెజ్, వికెడ్, కాన్‌క్లేవ్ చిత్రాలు ప్రముఖ అవార్డులు గెలుచుకున్నాయి. ప్రపంచవ్యాప్తంగా ఆస్కార్ వేడుకను కోట్లాది మంది ఆసక్తిగా వీక్షించారు.
మీకు ఆస్కార్ 2025 వేడుకలో ఏ అంశం ప్రత్యేకంగా అనిపించింది? కామెంట్ చేసి తెలియజేయండి! 💬
By
