తెలుగు రాష్ట్రాల్లో ఇటీవల అఘోరీ పేరు మరోసారి వార్తల్లోకెక్కింది. నమ్మకం, భక్తితో గుర్తించే అఘోరీ విధానం మర్చిపోయి, న్యూసెన్స్ సృష్టించిన ఈ అఘోరీ తెరమీదకి వచ్చింది. మంగళగిరి, వరంగల్ వంటి ప్రాంతాల్లో ఈ అఘోరీ తన చేష్టలతో భయభ్రాంతులకు గురిచేసింది.
గత నెల 18న మంగళగిరి ఆటోనగర్ వద్ద కార్ వాష్ సెంటర్‌లో జరగిన ఘటన అందరినీ షాక్‌కు గురి చేసింది. విలేకరులు వార్తల కవరేజ్‌కి వెళ్లిన సమయంలో అఘోరీ మారణాయుధాలతో విచక్షణారహితంగా దాడి చేసింది. ఈ దాడిలో విలేకరి ఆరేపల్లి రాజు కాలు విరిగింది. బాధితుడు జాతీయ మానవ హక్కుల కమిషన్‌కి (NHRC) ఫిర్యాదు చేశారు.
ఇక వరంగల్ జిల్లా మామునూరు పీఎస్‌లో నవంబర్ నెలలో అఘోరీపై కోడిని బలిచ్చిన కేసు నమోదైంది. పూజలు నిర్వహించిన ఈ ఘటనకు సంబంధించి సెక్షన్ 325 BNS, 11(A) PCCA యాక్టు కింద కేసు నమోదు చేశారు.
సాధారణంగా అఘోరాలు జనంలోకి రాకుండా తపస్సు చేస్తుంటారు. కానీ ఈ అఘోరీ తెలుగు రాష్ట్రాల్లో రెండు నెలల పాటు నానా హడావిడి చేసింది. ప్రస్తుతం ఈ అఘోరీ కనిపించకుండా పోయింది.
By
