‘అల్లరి’ నరేశ్ హీరోగా ఆయన న‌టించిన తాజా చిత్రం ‘బచ్చల మల్లి’ రూపొందింది. సుబ్బు దర్శకత్వం వహించిన ఈ సినిమాలో హీరోయిన్‌గా అమృత అయ్యర్ కనిపించనుంది. రేపు శుక్ర‌వారం థియేటర్లకు ఈ సినిమా రానుంది. ఈ నేపథ్యంలో ఈ సినిమా ప్రమోషన్స్ తో అల్లరి ‘నరేశ్’ బిజీగా ఉన్నారు. తాజాగా ఒక ఇంటర్వ్యూలో ఆయన ప‌లు విషయాలను అభిమానులతో పంచుకున్నాడు.
“మా సొంత బ్యానర్ పై సినిమాలు చేయకపోవడంపై అంద‌రూ అడుగుతున్నారు. ఈవీవీ బ్యానర్ పై సినిమా అనేసరికి కామెడీ ఉంటుందని ఊహిస్తారు. ఇప్పుడు కామెడీ కంటెంట్ ను డీల్ చేయడం కష్టం. కొత్త దర్శకులు కమెడియన్స్ ను డీల్ చేయడానికే కంగారు పడుతున్నారు. ‘ఎవడిగోల వాడిది’ సినిమా 40 మంది కమెడియన్స్ తో చేశాం అని న‌రేష్ అన్నారు.
“మంచి కంటెంట్ కావాలంటే రైటర్స్ ను త‌గిన విధంగా ప్రోత్సహించాలి. రైటర్స్ కి సరైన గుర్తింపు… ఒక మంచి పేమెంట్ ఇవ్వడం లేదు. కథ కోసం ఖర్చు పెట్టండి… రైటర్ పై ఖర్చు పెట్టండి అనే నేను అంద‌రికీ చెబుతూ ఉంటాను. ఇండస్ట్రీకి రైటర్స్ చాలా అవసరం. అందుకే వాళ్లను ఎంకరేజ్ చేయవలసిన అవసరం ఉంద‌ని న‌రేష్ పేర్కొన్నారు.